پەیوەندیێن هەولێر و واشنتۆنێ بەر ب ئاسۆیێن گەشترڤە

پەیوەندیێن هەولێر و واشتنۆنێ رۆژ بۆ رۆژێ بەر ئاسۆیێن گەشتر و رۆناکتر خوربوونێ ڤە دچن. ژێدەرێ ئەڤێ هێزمەندیێ ژ خوە پەیدانەبوویە ئەگەر ب دبلۆماسیەت و پەیوەندیێن خورتێن رێزدار نێچیرڤان بارزانێ نەبان هەم ل دەمێ حکومرانیا خوە وەکو سەرۆکێ حکومەتا هەرێما کوردستانێ کو ل دەما وى کونسلخنا ئەمریکا ل هەولێرێ هات ڤەکرن و چەندین مەزنە کۆمپانیێن ئەمریکا دوارێ پێشەسازى و دەرئینانا نەفتێ دا ل هەرێما کوردستانێ پشتێ بهێزکرنا پەیوەندیان و ڤەکرنا کونسلخانا ئەمریکا ل هەولێرێ دەست بکاربوون. پاشان دوارێ سەربازى ژیدا ئەمریکا هەرێم ب نزیکرتین و باشترین دۆستێ خوە دانا مەزنترین بنگەهێ خوە یێ سەربازى ل هەرێمێ دانایە. هەروەسا بەرێ بنیاتى بۆ مەزنترین کونسلخانە ل سەر ئاستێ رۆژهەلاتا ناڤین ل هەولێرا پایتەخت دانا ل دەمێ سەرۆکاتیا حکومەتا رێزدار نێچیرڤان بارزانى. ئەڤە زێدەبارى چەندین هەولێن دیترێن میرى دناڤبەرا هەولێر و واشنتۆنێ دا. پشتى دەستبکاربوونا رێزدار نێچیرڤان بارزانى وەکو سەرۆکێ هەرێما کوردستانێ، د هەیاما رۆژێن بوریدا مەزنترین یاداشتنامە دناڤبەرا ژوورا بازرگانیا واشتنۆن و هەولێرێ هات ئیمزاکرن ب ئامادەبوونا سەرۆکێ هەرێمێ و کۆمەکا کەسایەتیێن دیترێن سیاسى و بزنزمەنى و ژ هەردوو ئالیان د رێورەسمێن ئیمزاکرنا ئەڤێ یاداشتناما مەزنا دیرۆکى و بازرگانى ئامادەبوون. کو تێدا سەرۆکێ هەرێمێ گووتارەک پێشکێشکر دگووتارا خوەدا سیناهى ئێخستە سەر چەندین خالێن گرنگ و ستراتیجى کو د پاشەرۆژێدا دێ خزمەتەکا مەزن پێشکێشى هەردوو ئالیان کەت، دوارێ ئابورى، بارزگانى، دبلوماسى، سەربازى، ئەمنى، دیرۆکى و جڤاکیدا.

گرنگیا ئەڤان جۆرە یاداشتنامان د ئەڤرۆیا جیهانا مۆدێریندا دگەل وەلاتەکێ مینا ئەمریکا د ئەو پەرى سەنگ و هێزمەندیا سیاسى و ئابورى و بازرگانیدا خوە دبینیت. چونکە ئەمریکا ئەگەر ئاسۆیێن باش ل دەڤەرەکا مینا هەرێما کوردستانێ نەبیت نەجارو پێتڤى نیە کو پەیوەندیێن خوە یێن دبلۆماسى و ئابوورى دگەل کوردان بهێزبکەت. راستە ئەڤ پەیوەندیە پتر دبەرژەندا ئەمریکا دانە وەکو وەلاتەکێ زلهێزا جیهانێ، چونکە هەرێما کوردستانێ ژى جهەکێ گرنگ و ستراتیجیە بۆ ئەمریکا ژ روویێ ئابوورى، سیاسى، بازرگانێ و سەربازیڤە. لێ د نهادا و دناڤ گۆرەپانا سیاسیا عێراقێ و رۆژهەلاتا ناڤیندا ئەڤ جۆرە لێکتێگەهشتنە دبەرژەوەندیا خەلکێ هەرێمى و کوردستانیاندایە بگشتى. نەمازە دئەڤرۆکەدا کو ئەمریکا زێدەبارى زلهێزیا خوە بزاڤێ دکەت کۆنترۆلا هەمى جیهانێ بکەت و گاڤێن وێژى رۆژ بۆ رۆژێ یێ سەردگرن وەکو وەلاتەکێ باب سالار بۆ مۆنۆپۆلکرنا دەستهەلاتا سیاسى، ئابورى، بازرگانى، سەربازى، تەکنولوژى، زانستى، ئەمنى و…هتد، ل هەمى جیهانێ، چونکە هەر مایتێکرن یان مایتێنەکرنا ئەمریکا د هەرئێک ژ ئەڤان بوارێن مە ئاماژەپێکرى د هەر وەلاتەکێدا گۆرانکاریێن مەزن پەیدا دکەت.

لەورا بدیدا مە لێک نێزیکبوونا هەولێر و واشنتۆنێ د دەما نهادا گەلەک یا گرنگ و پێتڤیە. نەمازە د ئەڤان کاودان و گرژیێن ڤێ دوماهیێ دا ئەوێن دناڤبەرا ئەمریکا و ئیرانێ دا پەیدابووین کو خەریکە شەرەکێ مەزن پەیدا بیت حەتا ل سەر ئاستێ جیهانێ ژى. کورد ئەڤێ قۆناغێ دا دڤێت هەڤسەنگیا خوە بپارێزیت و نەچیتە دناڤ ئەڤێ یاریا مەترسیدار دا، ئانکو فەرە کورد هەڤسەنگیێ بکەت دناڤبەرا واندا. ژبەرکو ئەگەر کورد دژبەریا هەرئێک ژ ئەڤان دوو ئالیان بکەت دێ بیتە قوربانیێ ئەڤان گرژى و ئالوزیان. چونکە ئەمریکا ژبلى بەرژەوەندیان، وەلاتەکێ زلهێزە و کورد ژى د ئەڤێ قوناغێ دا وەکو مللەتەکێ ب دەولەت پێتڤى ب پشتەڤانیا نیڤدەولەتینە، نەمازە پشتەڤانیا وەلاتەکێ مینا ئەمریکا ئەڤە زێدەبارى پاراستنا ئەوێ دوستینیا دناڤبەرا کوردان و ئەمریکا دا هەى. دیسان ئیران ژى بلى کو دنەیارە د هەمان دەمدا دوست و هەڤسیێ نێزیکێ دیرۆکیێ کوردانە. ئەڤە زێدەبارى وێ یەکێ کو زێدەترى 8 ملیون کوردان ئەڤرۆ ل ژێر سێبەرا دەستهەلاتا ئیرانێ دژین. دیسا ئیران ژێدەرەکێ بهێزە بۆ دابینکرنا پێتڤیێن بارزگانى بۆ هەرێما کوردستانێ و بەرژڤاژى ڤێ چەندێ ژى هەر دروستە. هەر ژبەر ئەڤا ل سەرى مە دیارکرى. دڤێت هەولێر وەکو ناڤەندەکا خوەسەر بۆ کوردان ب ژیرمەندانە بریارێ بدەت. کو هەرچەندە هەتا ئەڤرۆکە پشتى ئەوان فاشار و هەرەشێن ئەمریکا و ئیرانێ ب سایا سەرۆکێ هەرێما کوردستانێ رێزدار نێچیرڤان بارزانى د کەڤندا وەکو سەرۆکێ حکومەتێ و دنهاژیدا وەکو سەرۆکێ هەرێمێ درێغى نەکریە، ب لێزانى و پەیوەندیێن خوە یێن دبلۆماسى شیایە ئەڤێ هەڤسەنگیێ رابگریت و پەیوەندیێن خوە یێن ئابورى، بازرگانى و دبلۆماسى بپارێزیت دگەل هەردوو ئالیان. وەکو دیار ژى رۆژ بۆ رۆژێ ئەڤ پەیوەندیە گەرمتر و گەشتر دبن.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

 

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top