پشتى دەست بکاربوونا نێچیرڤان بارزانى، سەرۆکێ هەرێما کوردستانێ د ئێکەم سەرەدانا خۆدا بۆ بەغدا دگەل عادل عەبدولمەهدى، سەرۆک وەزیران و د. بەرهەم سالح، سەرۆک کۆمار و د. محەمەد حەلبۆسى، سەرۆکێ ئەنجوومەنێ نوێنەران عێراقێ کۆمبوو. نێچیرڤان بارزانى بۆ وان پشتراست کر کو هەرێما کوردستانێ یا بەرهەڤە سەرجەم ئەو کێشەیێن ماین هەلاویستى دگەل حکومەتا فیدرال ب پێی دەستور بهێن چارەسەرکرن. ئێک ژ وان پرسێن گرنگ د سەرەدانا نێچیرڤان بارزانیدا دێ سەرهەلدەت ئەوە کو ئەو هەموو لایەنێن کوردى دژى باشترکرنا رەوشا هەرێما کوردستانێ کار دکر بۆ تێکدانا ڤێ رەوشێ ئەڤرۆ ئەو پلانێن وان کو ئەڤە چەندین سالە دارێژن دژى کوردستانێ ئەو پلان ب ئێکجارى هاتن راوەستاندن، ب تایبەت پرسا بڕینا مووچەیێ فەرمانبەرا کو ئەڤە هەولێن بەردەوام بوون دگەل حکومەتا بەغدا. د ڤێ سەرەدانێدا بۆ وان ئاشکرا بوو کو حکومەتا بەغدا پشتبەستنێ ب کریارێن وان ناکەت و پەیوەندیێن وان ئێکسەر دگەل حکومەتا هەرێما کوردستانێ بن ب تایبەت دگەل نێچیرڤان بارزانى.
دبینین رۆژانە پەرلەمنتارەکێ پارتەکا سیاسى یا کوردى یان ل سەر دەزگەهێن راگەهاندنێ یان ب شێوەیەکێ نهێنى کار بۆ دووبارە سەرهەلدانێ قەیارێ دکر ل سەر چینا فەرمانبەرا. دڤێ سەرەدانێ دا چینا فەرمانبەرا زێدەتر گرنگى ب سەرەدانا نێچیرڤان بارزانى دا، ژبەرکو ژ ئەڤرۆ پێڤە فەرمانبەر پشتراست بوون گرنگى یەک دا وان کو ب تنێ نێچیرڤان بارزانى کار دکەت بۆ خۆشکرنا ژیانا فەرمانبەرا ئەو گووتنێن لایەنێن سیاسى دژى خۆشکرنا ژیانا خەلکێ کوردستانێ رادبوون ب شەرمزارى وەسف دکرن. ژ لایەکێ سەرەدانا خۆدا دێ پێگەهێ کوردان بهێزتر بیت ل بەغدا د وێ سەرەدانێ دا، چونکو ب هاتنا بەرهەم سالح بۆ بەشداریا سویند خارنا سەرۆکێ هەرێما کوردستانێ د ئەڤرۆ دا بۆ وێ سەرەدانا نێچیرڤان بارزانى گەلەک یا گرنگ بۆ ژێدەرێ دروستبوون و چارەسەرکرنا وان کێشەیێن دناڤبەرا بەغدا و هەرێما کوردستانێ. ژبەرکو ئەگەر بەرهەم سالح نە هات بوو بانگێشکرن بو رێورەسمێن سویندخارنێ، ئەو سەرەدان بۆ بەغدا دا گەلەک یا ب زەحمەت بیت و زى ب زى ئەو کێشەیێن ماین هەلاویستى نەدهاتن چارەسەرکرن.
د نها دا بۆ هەموو لایەکى دیاربوو کو سەرەدەریا حکومەتا بەغدا ب شێوەیەک راستەوخۆ دگەل سەرۆکێ هەرێما کوردستانێ یە. ب تنێ ئەو دێ ب بریارێن خۆ جێ بە جێ کەن و کەس نەشێت ئێدى وان پەیوەندیان و رێکەفتنێن سیاسى ژ ناڤ بەت. ژ لایەکى ڤە د سەرەدانا خۆدا نێچیرڤان بارزانى تەکەز ل سەر وێ چەندێ کریە کو ئەو کێشەیێن دناڤبەرا بەغدا و هەرێمێ ب پێی دەستوور چارەسەر بکەت ئەو کێشەیێن دناڤبەرا هەردوو لایان دا ب تایبەت کێشا دەڤەرێن مادێ 140 و پرسێن پترۆلێ و یێن دادگەها فیدرال و چەندین کێشەیێن دى. دڤێ بریارێ دا دێ رەوشا هەرێما کوردستانێ یا دارایی بەرەڤ باشتر بوونێ چیت. چوونا نێچیرڤان بارزانى دێ دەرگەهێن هاتین گرتن یێن پشتى خیانەتا 16 ئۆکتۆبەرێ دگەل وەلاتێن بیانى ئەو دەرگەه دووبارە دهێن ڤەکرن. ژبەرکو کابینەیا عەبادى گەلەک وەلات ئاگەهدارکربوون کو پەیوەندیێن وان بهێن بڕین دگەل هەرێما کوردستانێ ئەو وەلات ژى مەجبور بوون. ژبەر بەرژەوەندیێن خۆ یێن ئابورى ژبەر راکێشانا نەفتا عێراقێ گوهداریا کابینەیا عەبادى بکەن. هەرچەندە گەلەک وەلاتان ب نهێنى پەیوەندیێن وان باش بوون دگەل هەرێما کوردستانێ، بەلێ پشتى سەرەدانا نێچیرڤان بارزانى بۆ بەغدا ژلایێ وان هەر سێ سەرکردەیان ڤە هاتیە پێشوازى کرن، وەلاتان ژى پێخوشحال بوون ژبەر دووبارە ڤەبوونا دەرگەهێن پەیوەندیان ب شێوەیەک فەرمى دگەل هەرێما کوردستانێ.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)