زۆر جار مە گۆهـ ل رایەدارێن ئەڤێ هەرێمێ دبیت کو دبێژن پێکهاتەیێن ئەڤێ هەرێمێ بەشەکن ژ کوردستانێ و ب تایبەت ژی دبێژن (ئێزدی کوردێن رەسەنن). لێ د راستیدا ب تنێ ل دەما هەلبژارتنان مە گوهـ ل ڤان گووتنان دبیت، ئەگەر نە ئێزدی و دەڤەرێن وان ب تەمامی ژلایێ دەستهەڵاتێڤە هاتینە پشتگوهـ خستن، و ئێدی پێکهاتەیێن ئەڤێ هەرێمێ و ب تایبەت ئێزدی د ئەوێ چەندێ گەهشتینە کو ئەو دهێنە ب کارئینان ل سەر ئاستێ ناڤخۆ و دەرڤە. لەوا ژی وان ب تەمامی خۆ بەشەك ژ کوردستانێ نزانن ژبلی هندەك مەزنێن وان کو ئەو ژی دناڤا پارتیدا بەرژەوەندخوازن. ئەڤە ژی ژ ئەنجامێ پشتگوهخستنا ئێزدیان و دەڤەرێن وایە ژلایێ دەستهەڵاتا هەرێمێ ڤە، کو ب تنێ ل دەمێ هەلبژارتنا بیرا وان ل ئێزدیان دهێت، و موزایاداتان ل سەر دکەن.
ب بۆچوونا من ئێدی جڤاکێ ئێزدی د وێ چەندێ گەهشتیە کو پارتی ئەو لایەن نینە کو ئێدی بشێن دگەل بن و ژلایێ وانڤە بهێن پاراستن. لەوا ژی زۆر جاران ئێزدیان ب ئاشکرایی داخاز کریە کو ل ژێر دەستهەڵاتا هەرێم و بەغدا نەمینن، بەلکو ژلایێ هێزێن ناڤدەولەتی بهێن پاراستن کو هەلبەت ئەڤە ژی مافێ وانە. چونکە پێدڤییە ئێدی پاراستن ژ ئێزدیان و دەڤەرێن وان بهێتە کرن کو چەندین جارە ب ئەرزانی ئێزدی دهێن فرۆتن بەرامبەر پاراستنا چەند بەرژەوەندیێن حزبی و تاکی.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)