سەرکردایەتی پێدڤییەکا کۆمەلایەتی یە بۆ هەر جڤاک، کۆم، نەتەوە، وەلاتەکێ بۆ سەرپەرشتی و سەرکردایەتیا جەماوەری. لەورا پێخەمەت دەستڤەئینانا ئارمانج، چالاکی، خزمەتگۆزاریێن دەولەتێ، دانا رێنما، برێڤەچوونا کاروباران، دادپەروەریا جڤاک و مافێ پاراستنێ، رەوش و بارۆدوخێ ئابوری، سیاسی، پارێزگاریا وەلاتی، بنیاتدانان و نەخشەدانانا پەیوەندیێن نیڤدەولەتی، پێدڤی ب سەرکردایەتی، رابەر و حکومەتەکا بهێزە. ئەگەر باس ل پەیدابوون و دروستکرنا پەیوەندیان دناڤبەرا حکومەتا هەرێما کوردستانێ و وەلاتێن جیهانێ ب شێوەیەکێ گشتی پشتی سەرهلدانا بهارا ۱۹۹۱ و ب تایبەتی ل سەر دەمێ دەستهەلاتداری و حکومرانیا سەرۆک وەزیران نێچیرڤان بارزانی، هەرێما کوردستانێ پێگەهەکێ سەرکردایەتی، بهێز، کاریگەر و بناغەیێ پەیوەندیان دانایە. نموونەیەکا هەری جوان و زیندی لدەڤ هەموو خەلکێ کوردستانێ کو هەردەم شانازی ب وێ پەیوەندیا مکوم دبەن، کو ب هەبوون و رۆلێ نێچیرڤان بارزانی ئەڤرۆ کوردستان خودان بهێزترین پەیوەندی یە دگەل وەلاتێ ئەمریکا کو ب شێوەیەکێ سەرکەفتیانە و پەیوەندیێن بێهز یێن سیاسی، لەشکەری، ئابووری، زانستی، بازرگانی یە.
هەلبەت ژبیر نەکەین ئەڤە ژی ل سەر دەمێ دەستهەلاتداری و رابەریا ئەندازیار و دیپلۆماسێ کوردستانێ، نێچیرڤان بارزانی سەرۆکێ حکومەتێ بوویە. دشەرێ مان و نەمانێ دا دەما هەرێما کوردستانێ رویبروی دژوارترین پەلەمار و هێرشێن تیرۆرستی بووی دگەل رێکخراوا تیرۆرستیا داعش بۆ ئاخا هەرێما کوردستانێ. لێ د کاودانێن سەختێن وان سالان ئەمریکا هەرێما کوردستانێ ب تنێ نەهێلا بەلکو دەملدەست هات سەر خەت و پشتەڤانیا خوەیا مرۆڤی، سەربازی، هاوکاری بۆ هەرێم و حکومەتا کوردستانێ نیشان دا وەک هەردەم بەشەکێ سەرەکی بوویە ل پاراستنا مللەتێ کورد دا. نهۆ ژی بودجەیەکێ سالانە بۆ هێزێن پێشمەرگێ کوردستانێ تەرخان دکەت، جەخت ل ئاڤەدانکرنا دەڤەرێن زیان ڤێکەفتی، ڤەگەریانا ئاوارەیان بۆ دەڤەرێن وان دکەت. ئەمریکا مەزنترین کۆنسلخانەیا خۆ ل هەرێما کوردستانێ ئاڤاکر کو بەرێ بنیات دانانا وێ ژلایێ سەرۆک وەزیران نێچیرڤان بارزانی هاتبوو دانان کو ئەڤ یەک ب پرۆژەیەکێ گرنگ، مەزن، پێنگڤەکا ئەرینی دهێتە هەژمارتن ل دەڤەرێ و تایبەت رۆژ هەلاتا ناڤەراست، کو ئەمریکا خواستا پەیوەندیێن بهێز و هەڤکاریەکا باشە دگەل هەرێما کوردستانێ و بەردەوامە ل سەر وی کاروانێ پێشڤەبرنێ ژ هەر ئالیەکێ.
ل ڤێ داویێ ئەنجامدانا پەیوەندیا دناڤبەرا مایک پێنس جێگرێ سەرۆکێ ئەمریکا و نێچیرڤان بارزانی، دیسان ئەمریکا پەیاما پشتەڤانیێ بۆ هەرێمێ دیار کریە و رۆلێ سەرۆکێ حکومەتێ ل دەڤەرێ بلند نرخاندی یە. ب گرنگ دزانم ئاماژەیەکا بەرچاڤ بۆ بەرەبابێ نها، داهاتی و مێژوویێ بەحس بکەم، کنارێ نوکەیێ پەیوەندیێن بهێزێن هەرێما کوردستانێ و ئەمریکا نێچیرڤان بارزانی ئەندازیارێ بنیات دانانا وان پەیوەندیان بوویە. سەلماند و دیارکر ئەمریکا باوەریەکا مەزن ب ئایندەیێ گەشێ داهاتی یێ هەرێما کوردستانێ هەیە و ژ خالا گەوهەری ژی سەرۆک وەزیران ب ئەمریکا و جیهانێ هەموویێ دا زانین کو خەلک و حکومەتا هەرێما کوردستانێ باوەری ب بها و پرەنسیپێن ئازادی، دیموکراسی، مافێن مرۆڤی، پێکڤەژیان، پێگەهاندن، هاندانا شیان و خواستێن ئافرەت، گەنجان هەیە. لەورا نێچیرڤان بارزانی رۆلەکێ گرنگ، ئەرینی، سەرکەفتی دیتی یە د دروستکرنا وان پەیوەندیان دا. هەژی گوتنێ یە کو هەرێما کوردستانێ بەرەڤ گۆرانکاری، پێشکەفتن، پاشەرۆژەکا گەش دچیت و خەلکێ هەرێمێ ژی ب باوەرەیەکا تەمام و ب هیڤی یێن مەزن تەماشەی ئایندەیێ گەش و رووناک و هەمبێزا ژیانا کوردستانێ دکەن.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)