چ نەبێژە
تۆ نەبێژە
بۆ دێمێ تە یێ زەربەهتى
مینا بیابانا هشک تیک تیک بوویە
تۆ د زانى
دلێ من ل بێ بەختیا تە راهاتیە
چ نەبێژە
هەمى نەهێنى سەرنشیڤ بوون
هەمى خاچ و قوبە ڤاژى بوون
چاڤێن تە
د پڕ بوون ژ باخچەیێن کەسک
د تێر بوون ژ حەزێن بەرتەسک
ئەڤرۆکە
ئەو چاڤ بوونە چال و
د ڤالەنە
ئەو برو بوونە داڤ و
د بژالەنە
بتنێ بتنێ
سوراتیا سوراڤا تە یا سور بوو
سویراتیا رۆندکا تە یا سویر بوو
ئەڤرۆکە
هەمى برینێن درەو
ژ تیڤل بوون
هەمى گرنژینێن بەدەو
چڤێل بوون
دێمێ کچا بەکۆى رویس بوو
بەژنا تڤەنکا بێ بەخت خویس بوو
ل زارۆکینى من هزر دکر
جیهانا مەزنە و ئەز مەزنترم
لێ درەوا تە دەرکەت مەزنتر.. و ئەز بچویک ترم
شەڤا تارى یە و ئەز بوێرترم
لێ تاریاتیا دلێ تە دەرکەت تارى تر.. و ئەز بەرزەترم