یا دیارە پەند و گۆتنێن مەزنان بەرێن نەخشاندینە و جهێ باوەریا خەلکێ مەنە. هەر پەند و گۆتنەکێ رامان و سەرهاتی و چیرۆکا خوە هەنە. وەك دبێژن (هندەك دکەن و هندك دخۆن). وەك ئەو سەرهاتیا ل ڤێ داویێ ل سەر شاشەیێن تیڤی، میدیا و تۆرێن کۆمەلایەتی هاتیه خوەیاکرن دەربارەی وێ هونەرمەندا دەنگبێژ یا ب ناڤێ (جانێ حەیران) کو ژ کیستێ هونەرمەندا دەنگبێژا باکوورێ کوردستانێ (جانێ) دلۆرینیت و هەر ئێك ژی ب رەنگەکی بابەتێ وێ سەرهاتیێ شرۆڤە دکەت. ددەمەکیدا کو هونەرمەندا دروست دناڤبەرا چوار دیوارێن گرتیخانەیێن رژێما تورکیادا دژیت دناڤ ئێش و ئازاراندا.
تشتێ پتر جهێ حێبەتی و سەرسۆرمانێ ئەوە کو دبێژن ئەو هونەرمەندە کورە و نە کچە! ئانکو ئەڤە نە تنێ شاشی یان دزییەکا هونەری بوو، بەلکو سەختەکاری ژی کریە ب ڤەشارتنا رەگەزێ خۆ و بەشداری چەندین ئاهنگ و کۆنسێرتێن هونەری بوویە ل کوردستانێ ژبۆ کۆمکرنا کۆژمەکێ پارەی. مەبەستا مە ژی ل ڤێرە ئەوە کو بێژین چاوا ئەڤ هەمی شاشی و سەختەکارییە تێنە کرن دگۆرەپانا هونەرێ وەلاتیدا و ناڤەند و سەندیکا و کۆمەلێن هونەرمەندێن کوردستانێ ئاگەه ژێ نینە و دگۆهێ گایدا ماینە نڤستی و بێدەنگ. گەلۆ ئەڤە سازییە دێ چاوا شێن تشتێن مەزن دگۆرەپانا چاند، هونەر، موزیك و سترانا کوردیدا پێشکێش کەن؟
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)