هەلبەست: مللەت محەمەد
دل و چاڤان
ژ بۆ دیتنا تە دگێرینم
هزر و بیران
وەکو جاران ئەز نابینم
هەستا خۆ ژى
مینا زارۆکەکێ بێ دایک دبینم
ئەزێ دبینم
پێنووسێ من یێ دپەیڤیتن
تاریاتیێت شەڤێت من
ژ بۆ رۆناهیا عەشقا تە دگریتن
…
تە نەبینم
ئالا عەشقا مە یێ دکەفیت
بیرهاتنێت مە یێ د ڤەرەڤن
گرنژین و خەم رەڤین و کەنى گریک یێ دوەرن
رۆندک و شینى و زێمار
یێت دگەهن
ژ بۆ دەرێژا عەشقا مە
رۆژا دگریت
کوزیرکا وى
دلێ ل هەیڤێ چرمساندى
ژ بۆ عەشقا مە
دلێ ژ لێدانێ دراوەستن
ئەڤرۆ دەمە پشکۆش ڤەبن
لێ نەڤەبوون
شەڤێت ڤینا مە رۆن ببن
هێژ د تاری نە
وارێ مە لێ سەما دکر
ب خەملیت
لێ ب دێمەکێ داماى
هێسر یێ ژ چاڤان دبارن
دەمێ هەلاتنا رۆژێ یە
نزا بۆچى!
رۆژ ژى یا گیرۆ دکەت و نادەرکەڤیت؟
……
ئەز دزانم
دل ب دلۆڤانیا تە نابیت
ئاگرێ دناڤ دلێ تە دا ل تە خۆش نابیت
سۆزا تە ژى
رێڤینگە و وەکى وێ دڤێت یا بلند دبیت
بەژنا تە ژى
ل بهارەک دى یا د چەریت
لێ ژبیرنەکە
هندى رۆژ دهەلاتنێ دا
ل ئەڤان ئیدیەمان ب فکریتن
سۆز.. ڤیان.. حەژێکرن.. باوەرى و یادەوەرى
ب ئاوازا خانى و دلدارى دئاڤابوونێ دا
ب ستیرینیت
ژیان ل مە ب گرنژیتن
سوراتیەک دناڤ لەشى من دا ب گەریتن
جهێ تە دناڤ دلێ من دا دێ هەبیتن
دلێ من ژى
دێ ناڤێ تە ب چپکێت خوینێ نڤێسیتن