هۆزان: پێزانێ ئالیخان
24/3/1988
ئارام*
وه‌رن هێڤکن ڤان گوناهان
ڤان سته‌مان
ئه‌ڤان هۆڤان و دڕندان
چه‌وان … چه‌وان
هه‌لما ده‌ڤێ خوه‌یا چه‌په‌ل
هه‌می ژه‌هر .. هه‌می نه‌ڤیان
وه‌کی تاڤیێن بارانێ
باراندینه دوڵ و چیان
گرتی نێرگز،گرتی سۆڵین،
گرتی مامز..
پاش سلاڤ کر (وێ گولا جان)
ڤێ خه‌رده‌لێ، ئه‌ڤێ ژه‌هرێ
ده‌ستێن خوه‌یێن گوڕی و په‌ل
ل دور لاندکا وی ئالاندن
ئه‌و دێمێ جان.. ئه‌و به‌فر و خوین
ب ئاگری همبێز کرن
کره بۆرکان ئه‌و (مه‌له‌کان)
ئه‌و چاڤێن شین ب ماچه‌کێ قه‌وراندن
ده‌سبلینکێن ژی لێ قه‌تاندین
هه‌یا دایک ژ دارێ لاندکێ که‌تی
سه‌ر و سینگ و جوانیا (ئارام)
سۆتن.. حه‌لیان
چپک چپک ژ دارێ لاندکێ که‌تن
ب عه‌ردی ڤه مان..
ب ئاخێ ڤه مان..
(ئارام) ناڤێ زارۆیه‌کێ کورده ژ گوندێ (مه‌له‌کان). تەمەنێ وی دوو ساڵ و نیڤ بوون دەما ل بوهارا ساڵا ١٩٨٨ب چه‌کێ کیمیاوی یێ رژێما بەعسا عیراقی شەهید بووی.