رێڤەبەرییا رەوشەنبیری و هونەری ل ئاکرێ ب هەماهەنگی و هەڤکاریا رێکخراوا کوردستان فۆتۆ، دێ پێشانگەهـ و پێشبرکێیا فۆتۆگرافی بۆ فۆتۆگرافەرێن هەرێما کوردستانێ و هەر چوار پارچەیێن کوردستانێ سازکەت.
رێکخەرێن ڤێ چالاکیێ دیاردکەن کو ئەڤ پێشانگەه و پێشبرکێ تایبەتە ب وێنەیێن نەورۆزا ئاکرێ. هەروەسا ئاشکرا کرینە کو سەرکەفتیێن یەکەم، دووەم و سێیەم دێ خەلاتێن رێزلێنانێ وەرگرن. ڤان لایەنان چەند خال ژی دیارکرینە کو پێویستە ل بەرچاڤ بهێنە وەرگرتن بۆ پشکداریکرنێ. ئەو خال ژی ئەڤەنە:
– پێویستە کەسێ پشکدار ناڤێ خوە یێ سێقۆلی و جهێ ئاکنجیبوونا خوە دیارکەت.
– هیچ ناڤ و لۆگۆ ل سەر وێنەی نەبن.
– هەر پشکدارەک ژ (٣) وێنەیان زێدەتر نەهنێریت.
– وێنە ب کوالێتەیا بلند بن.
رێڤەبەریا رەوشەنبیری و هونەری ل ئاکرێ و رێکخراوا کوردستان فۆتۆ، ئیمایلەك ژی دەسنیشانکرینە و داخاز ژ ئارەزوومەندان دکەن کو وێنەیێن خوە فرێکەنە سەر وی (Kurdistanphoto2016@gmail.com). دوماهی ژڤان ژی بۆ وەرگرتنا وێنەیان رۆژا ٤ی نیسانا ٢٠١٩یە.
