ل گۆر زانیاریێن کو ژ فەرهانگەکا سەقاناسی و بیڤەلەرزا کوردستانێ دهێنە بەڵاڤکرن، ڤان دوو رۆژان باران بارین دێ یا بەردەوام بیت ل دەڤەر و باژێرێن جودایێن باشوورێ کوردستانێ. هەروەسا هۆشداری ژی دایە کو ئەڤ بارانە دێ بیتە ئەگەرێ چێبوونا لەهی و ئاڤرابوونێ ل گەلەك دەڤەران. ل دووڤ نووچەیێن کو ئەڤرۆ ٢٥ی ئادارێ ل سازیێن جودا یێن میدیایی هاتینە بەڵاڤکرن، هەتا نوکە ل چەند دەڤەران لەهی دروستبوویە و بوویە هۆکارێ گرتنا چەند رێکێن سەرەکی دناڤبەرا باژێراندا. لەوما گرنگە هەمی خەلک و ب تایبەتی شۆفێر و یێن خانیێن وان نێزیکی رووبار و ئاڤڕوویان هۆشداریێن فەرهانگەکا سەقاناسیێ پشتگوهنەکەن و ئاگەهداری بلندبوونا ئاستێ ئاڤێ بن دا تووشی چ زیان و بوویەرێن نەچاڤەرێکری نەبن.