بورج بیزا و منارە دێ‌ بنه‌ جێمك؟

هه‌ر ئێك نیشانا وه‌لاته‌كێ‌ یه‌، ئیتالیا و كوردستان، جهێ‌ خۆشحالیا شه‌نسبوونێ‌ یه‌ كو ئاڤاكرنا هه‌ردوو شوونه‌وارێن ره‌سن د هه‌ڤده‌م بووینه‌، بیزا یا خوار ل سالا 1173 هاتیه‌ ئاڤاكرن منارا هه‌ولێرا پایته‌خت ژی ل 1190، واته‌ هه‌ڤده‌می هه‌ڤن. ئێك هاتیه‌ گرێدان ب زانایێ‌ ئیتالی گالیلۆ و بیردۆزا وی یا ناڤدار (تعجیل) یا ئه‌ردی، و یا دی ژی هاتیه‌ گرێدان ب سه‌لاحه‌دینێ‌ ئه‌یۆبی یێ‌ كورد. ئه‌ڤرۆ ژی ب بیرا من دیرۆك هاته‌ ڤه‌گه‌ران و دوو سه‌ركردێن هه‌مان رێچكێ‌ گه‌هشتنه‌ ئێك ل هه‌ولێرا پایته‌خت. نێچیرڤان بارزانی سه‌رۆك وه‌زیرێ‌ هه‌رێما كوردستانێ‌ و هه‌ڤكیفێ‌ وی یێ‌ ئیتالی جیۆزیبی كۆنتی، رێوره‌سمه‌ك د سه‌ره‌دانێدا هاته‌ گێران ده‌مێ‌ ل سه‌ر به‌ڕكا سۆر و ب رێبازا شیرێ‌ له‌شكری مه‌شیایین، نه‌بوویه‌ سه‌ره‌دانه‌كا ته‌نها رۆتینی، به‌لكو ئیتالیا وه‌كو ئه‌ندامه‌كا ئه‌ورۆپی ژ دل بزاڤ و هه‌ولێن خوه‌ دمه‌زێخیت بۆ سه‌رخستنا هه‌رێما كوردستانێ‌ ل سه‌ر بنیاتێ‌ به‌رژه‌وه‌ندیێن هه‌ڤپشك. ل ده‌مه‌كی كو گه‌له‌ك وه‌لاتێن رۆژهه‌لاتی ب ده‌ستناكه‌ڤیت وه‌لاته‌كێ‌ هۆسا مه‌زن ده‌ستێ‌ خوه‌ بێخته‌ ده‌ستی. ئێك ژ گرۆڤه‌یێن وان پرۆتۆكۆلێن وه‌به‌رهێنه‌ر شاندێ‌ له‌شكری یێ‌ ئیتالی ل گه‌ل وه‌زارتا پێشمه‌رگه‌ پێشخستنا ئالاڤێن مه‌شقا سه‌ربازی دبه‌ته‌ سه‌ری. ئه‌ڤه‌ ب به‌یاننامه‌كا راگه‌هاندنا وه‌زاره‌تا پێشمه‌رگه‌ی بۆ سالا نها ئالیه‌ته‌ك بۆ پێشخستنا شێوازێن مه‌شقێ‌ و خورتكرنا شیانێن سه‌ربازی هاتیه‌ راگه‌هاندن. هه‌روه‌كو نێچیرڤان بارزانی د كۆنگره‌یێ‌ رۆژنامه‌ڤانیدا ل گه‌ل سه‌رۆك وه‌زیرێن ئیتالی دیاركری كو ئیتالیا هه‌ڤكاریه‌ك و هه‌ماهه‌نگیه‌كا به‌رده‌وام هه‌بوویه‌ ل گه‌ل ڤێ‌ وه‌زاره‌تێ‌.

خواندنه‌كا ریالیزم گه‌ر بكه‌ڤیته‌ سه‌ر ڤێ‌ مژارێ‌ وێ‌ ئێكێ‌ دگه‌هینیت، ئه‌و سه‌ره‌ده‌ریا ب ڤی دهێته‌ كرن ل گه‌ل پێشمه‌رگه‌ی وێ‌ ئێكێ‌ دیار دكه‌ت كو هێزا پێشمه‌رگه‌ی خوه‌ سه‌لماندیه‌ بۆ جیهانێ‌ كو ب دروستی هه‌ڤپه‌یمانا ئاشتیێ‌ یه‌ و ئه‌و وه‌لاتێن ل خورتبوونا ئاشتیێ‌ یه‌ و ژبۆ نه‌هێلانا تیرۆرێ‌ بزاڤێ‌ دكه‌ت. ژبلی هندێ‌ كو هه‌ر سه‌ره‌دانه‌ك و هه‌ڤدیتنه‌كا ب ڤی ره‌نگی یا كه‌سێ‌ نێچرڤان بارزانی بزاڤ بۆ كرین، بێ‌ به‌رهه‌م ژێ‌ ده‌رنه‌كه‌فتیه‌. ئه‌ڤه‌ ژی باوه‌ری ب خوه‌بوون و ژێهاتنە. تشته‌كێ‌ زۆر گرنگ یان برینه‌كا دژوار نێچیرڤان بارزانی ئه‌وه‌ ژی سكرێ‌ مووسله‌ ژبه‌ر هه‌ستیاریا وی و سروشتێ‌ وی یێ‌ نه‌وه‌كو چو سكرێن ڤێ‌ جیهانێ‌ كو ئیتالیا ب كۆمپانیێن خوه‌ یێن تایبه‌تمه‌ند جێ‌ راستڤه‌كه‌ت. زێده‌باری باده‌كا په‌نابه‌ر و ئاواره‌یان ل هه‌رێمێ‌ مژاره‌كا ئه‌كتیڤ بوو بۆ پتر پشته‌ڤانیكرنێ‌، هه‌ر چه‌نده‌ هه‌ریێن به‌رفره‌ه دبن و پتر پێدڤی ب سه‌خبیركرنێ‌ یه‌. ئه‌ڤجا ئه‌ڤ مژارێن هۆسا دزۆر هاتنه‌ گه‌نگه‌شه‌گرن وهزر هاتنه‌ لێكگوهارتن، ئه‌ڤجا ته‌ دڤێت ب چو ئالیه‌ت مفایێن به‌رامبه‌ر لێكبگوهۆرن، ژبلی ڤێ‌ هه‌میێ‌ ژی نێچیرڤان بارزانی تشته‌ك نه‌هێلا بۆ سه‌رۆكوه‌زیرێن ئیتالی نه‌خستیه‌ روو، كو ل دووماهیێ‌ مژارا پێكڤه‌ژیانێ‌ و لێبۆرینێ‌ و ئه‌وان ئه‌و ژی پێ‌ گرنگه‌ كو هه‌رێم هاریكاریا هه‌موو نه‌ته‌وه‌یان ل كوردستانێ‌ دكه‌ت.

  • فەرماندە دناڤ هێزێن پێشمەرگەی کوردستانێدا.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top