زۆرجارا ژ سەدەمى دابەشبوونا کۆمەلگەهى یان جڤاکى ل سەر هندەک ئالییان یان تەیار و لایەنان، راستى تێتە ئیخسیرکرن. هەر ئێک ل دویف بەرژوەندا خۆ وى ئالییێ یان لایەنێ پێڤە گرێداى دێ بابەتەکێ گرنک بەرەڤ وى ئاقارى بەت یێ بڤێت. ل ڤیرە هەمى بابەت تێکەل دبن و جیاوازى دناڤبەرا رەش و سپى دا ناهێتە کرن و دبیتە شێلما گاڤانى. جڤاک دبیتە قوربانیێ هەرە سەرەکى و ژوان بابەتان پەیڤا جیهاد و تیرۆر هاتینە تێکەل کرن و دڤێت بهێنە ژێک جوداکرن. ئەگەر ئەم سەحکەینە رامانا پەیڤا جیهاد (جهاد)، د زۆربەى بەلاڤۆکێن سیاسیدا ل سەر دەمێن جیاوازدا مافەکێ دروستە و پێرابوونەکا دروستە (مشروعە) ل دەمێ مللەتێ تە یان وەلاتێ تە تووشی داگیرکرنەکێ یان ب سەراگرتنەکێ دبیت و دبنەما دا پێنگاڤەکا سیاسیە ئارمانج ژێ دروستکرنا کەشەکێ ئاژاوەکێرە بۆ ب دەستڤەئینانا هندەک بەرژوەندیێن دەستنیشانکرى. ب گشتى جیهاد واتە گەهشتن ب گۆپیتکا ناکۆکی و ئالۆزیان. هندەک تەیارێن ئیسلامی جیهاد سنوردارکریە ژبۆ هندەک مەرەمێن خۆ یێن حزبى و پاراستنا بەرژوەندیێن خۆ یێن دارایى دبێژن جیهاد ب تنێ خۆ گۆریکرنە. ئانکو شەهیدکرنە درێیا وەلاتێ خۆدا. بەلێ پتریا پسپۆر و زانایێن ئیسلامى دگەل ڤێ چەندێ نینن و دبێژن جیهاد نابیت بهێتە سنوردارکرن ب تنێ ب گیانێ خۆ. بەلکو دروستە ب سەروەت و سامانێ خۆ ژى جیهاد دهێتە کرن. کەواتە دەرئێخستنا داگیرکەرى و ڤەگەراندنا دەستهەلاتا خۆ و (السیادة) خۆ. جیهاد ژ سەردەم بۆ سەردەمى شێوازێ خۆ هەیە ب تایبەت دکاودانێن نوکە جیهاد ب هندەک شێوازێن نوى دهێتە کرن.
بۆ نموونە:
١- (خۆڤەکێشانا گشتى) بۆ نموونە ئەزموونا سیاسى یا دەستهەلاتا مە دگەل حکومەتا بەغدا ل دەمێ بنپێکرن و خۆڤەدزین ژ هەمى مافێن مللەتى و هەمى ئیستیحقاقێن دارایى و کارپێنەکرن ب دەستوورى و خۆڤەکێشانا مە ژ پرۆسێسا سیاسى ل عیراقێ باشترین و بەرچاڤترین نموونە ل سەر ڤێ شیوازێ جیهادێ.
٢- یان گەنگەشە و دانوستاندن دگەل هندەکێن دى ژبۆ ب دەستڤەئینا ئارمانجان، ژهەر لایەکى یان بەشەکێ بەرژەوەندا نیشتمانیدا بیت و پاشڤەبرن و دەرکرنا داگیرکارى یان سنوردارکرن بیت. دیسان ل دەمێ بەزاندنا ئاخا پیرۆزا کوردستانێ ژلایێ لەشکەرکێشیا عیراقى هندەک هێزێن دى ڤەگەراندنا دەستهەلاتدارێن کوردستانى بۆ دانوستاندن و گەنگەشا هەولێن بەردەوام بۆ ئەگەرێ پاشڤەبرن و ڤەگەراندنا وان هێزان. دیسان دەرێخستن و دویرکرن ژ ئاخا پیرۆزا وەلاتى باشترین نموونەیە ل سەر ڤى شێوازێ جیهادێ. پتریا نڤیسەرو پسپۆران ئەڤ شێوازێن جیهادێ کۆمکرینە ل بن ناڤێ جیهادا سەردەمیانە (الجهاد العصري). واتە کاکلکا خالا من دڤێت بێژم ب بەلگە ل ڤى دەمى پێشمەرگە دبیتە (مجاهد).
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)