ل گۆر هندەك سازیێن میدیایی و تۆڕێن پەیوەندیێن جڤاکی، هژمارەکا خەلکێ شێلادزێ و کەسوکارێن قوربانیێن تۆپبارانێن سووپایێ تورکیا ل ناحیەیا شێلادزێ، بۆ دەربڕینا نەرازیبوونا خوە بەرامبەر کریارێن وی سووپای خرڤەبوونەك سازکرن و بارەگایەکێ وی سووپایی ل دەڤەرێ سۆتن.
ماوەیێ چەندین ساڵانە سووپایێ تورکیا ب بەهانەیا هەبوونا چەکدارێن پەکەکێ، بەردەوام بۆمبەباران و تۆپبارانا باشوورێ کوردستانێ دکەن و هژمارەکا زۆرا سیڤیلان بووینە قوربانی. دبەرامبەردا دەستهەلاتا باشوورێ کوردستانێ بەرامبەر ڤان کریاران و پێشێلکرنا سەروەرییا کوردستانێ بێدەنگ بوویە. لەوما ل داویێ ئەڤرۆ ٢٦ی کانونا دووەما ٢٠١٩ێ خەلکی ئەڤ بێدەگییە شکاند و ئەڤ چالاکییە ئەنجامدا وەک بەرسڤدان بۆ ڤان کریاران و ب تایبەتی بۆمبەبارانا بەری چەند رۆژان و شەهیدکرن و بێسەروشوین کرنا چەند گەنجان.
دهێتە زانین کو ماوەیێ چەندین ساڵانە چەند بارەگایێن سووپایێ تورکیا ل باشوورێ کوردستانێ هاتینە بجهکرن.
