پهیڤینهكا ئهورۆپی یا ههی دبێژيت كو هێزێن بچووك مفای ژ ههڤڕكیێن هێزێن مهزن دبیننن. لهورا ل ڤان رۆژان ههڤركی یه ل سهر سهردان و سهرهدریكرن دگهل سهرانێن ههرێما كوردستانێ. ئهڤه چهندین وهزیرێن دهرڤه یێن وهلاتێن مهزن خوه دگههیننه حوكمهتا ههرێما كوردستانێ، ب تایبهت ژی كهسێ نێچیرڤان بارزانی. بهلێ تشتێ سهیر كو كهسێ هزر ل ڤێ ئێكێ نهدكر ئیران ب ڤی ئاستێ بهرز دێ ب غاردان هێت و قهستا بارزانی كهت. لهورا وهرهقا ههرێما كوردستانێ وهكو ههژمارهكا گرنگ لێهاتیه د دهست ههموو لایهنێن مهزن دا. ههر ئێك موزایهدێ ل سهر یێ دكهت ب ههڤالینا ههرێمێ و گرێدانا پهیوهندیێن ههموجۆر. ههكه سیاسی نهبن، ئابوورینه و هێشتا ژی دێ بینین كو چهندین هاریكار و پرۆتۆكۆل دێ هێنه گرێدان. ژلایێ خوه ڤه ژی حوكمهتا ههرێمێ گهلهك ب بستهیی و رههایی بانگا ئاشتیێ كریه و سیاسهتا براگماتی بۆ ههمیان دیاربوویه. ئهڤ بوویهرێن ب لهز یێن دراماتیكی هاتن ب ههڤرا و رۆژ كهفتنه د ناڤبهرێ دا. تایبهت سهرهدانا ههرسێ وهزیرێن دهرڤه، ئهو ژی ب دیتنا من ههر ب ئاماژهكێ ژ دهستێ كهسێ نێچیرڤان بارزانی هاتینه. چونكو ئهڤه چهندین ساله سەربۆریێن باش بۆ هاتینه و شارازا بوویه د هزر و رهنگڤهدانێن واندا. وی ب زانین و كارێ خوه یێ نهرم شیا دونیایێ ههمیێ ڤهكێشیته تایێ خوه. بۆ نموونه ژی ئهو قهیرانێن حوكمهتا عهبادهی سهپاندین و ل وی دهمی ب تایبهت ههموو وهلاتێن مهزن خوه بێدهنگ كربوون.
ب راستی حنێربوو شیای ئهڤرۆ رۆلێ ههرێمهكا بچووك مهزنتر بیت ژ گهلهك وهلاتێن مهزن ل دهڤهرێ و وهكو جهمسهرهك سهرهدهری د گهل بهێته كرن. مرۆڤ نهشێت نهبێژیت ئهڤه سیاسهتهكا ئهكتیڤه. چونكو ئهم یێن ب زمانێ گرۆڤه، بهلگه و میناكان دپهیڤین. كێ باوهر دكر كو بهری سالهكێ ژی دێ فرۆكخانهیێن ههولێرێ كهڤنه كاری وهكو بهرێ و هێشتا ژی باشتر؟!. ههلبهت ئهڤ ئیعازا وان دۆرپێچان ههمووان دزانی وەكو ل پشت پهردا ژ كیڤه دهات بۆ حوكمهتا حهیدرێ عهبادی كو ئیران بوویه. د گهل وی دهمێ بهێزخستن و سپۆنسهریكرنا حهشدا شهعبی كو ب شهڕ هاتبوو سهر ههرێمێ و شكاندن ل ههمبهری پێشمهرگێ كوردستانێ ئینایی. ئهڤ ههر ئهو ئیرانه یا بهری سالهكێ خوه ب سهر چوڤه نهبریه، ههروهكو نه. ئهڤجا هاتنا وی شاندێ ئابووری و بازرگانیا ئیرانێ بۆ ههرێمێ ب سهرۆكاتیا وهزیرێ دهرڤهیێ ئیرانێ، كۆمبوونا وان د گهل سهرۆكێ حوكمهتێ و بازرگانێن ههرێمێ بۆ دابینكرنا سێ دهرگههێن فهرمی یێن دناڤبهرا ئیران و ههرێما كوردستانێدا، كو قهبارێ ئالوگۆرا بازرگانی د ناڤبهرا ئیران و كوردستانێ پتر ژ پێنچ ملیار دۆلار سالانهیه. دوور نینه ژ وێ پیلانا بهری سالهكێ یا كو دخواست دهستێ عهبادی بكهڤیته سهر دهریێن سنۆری یێن د دهست حوكمهتا ههرێمێ و ب ههموو رهنگان هات نهچار بوو بكهت.
وهسا بارودۆخ هاتن كو ب ڤی رهنگی بهێت، ئهڤهیه سیاسهت و خهوارزمیێن وێ!. ههم رهڤینه ژ رۆیپێ ئهمریكا و ململانا وێ، ههم ژی ژلایهكێ دی ڤه سهرئێكزێدهكرنه ل سهر لایهنێن دی. ئهڤ رێچكه ژ چو دیاردبیت كو قۆناغ وهلێهات، ئهڤ سیاسهتا توركیا ل سووریێ كو ههر لایهنهك یێ سهر یێ دی زێدهكهت و یێن بهانهیێن دیرۆكی و ئابووری و سهردهریكرنێ پێشكێش دكهن. ئهم ژی دێ چ كهین، دێ ل هیڤیا نێچیرا خوه بین و ل سهر دهستێ سهرۆكێ حوكمهتا مه نێچیرڤان بارزانی، نهمازه ههكه پۆستێ خوه یێ بهبژارهكری وهرگرت.
- فەرماندە دناڤ هێزێن پێشمەرگەی کوردستانێدا.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)