جڤاکێ مە وەک جڤاکێن رۆژهەلات جڤاکەکێ گرتیە. سێگوشەیەک پیرۆز هەیە و دڤێت بەحس ل سەر نەهێتە کرن. ئەڤ سێگوشە ژى پێکهاتیە ژ ئاین، سێکس و دەستهەلات کو دڤێت کەس بەحس لێ نەکەت. لێ دەف خەلکى ژى سێکس تشتەکێ سەیرە لاوازە ژى. ژبەر هندێ ئاریشە پەیدا دبن، لێ دڤێت خوە ژڤێ ئاریشى نەڤەشێرین و دڤێت زۆر کار ل سەر بێتە کرن و نەبیتە ئەگەرێ ئاریشان کو ئەم دبینن رۆژ ب رۆژ کێشێن مە زێدەتر دبن. زۆر جاران هەر زوو کچ دهێتە کوشتن و گونەهبار کرن، ئەو ژى ئەگەرێ هندێ یە کو ژ دەستدانا کچینیا خوە یە. کچێ هندەک تشت دەف هەنە کو دڤێت بێنە پارستن. هەروەسا ئەڤ کچە دبیت یا بێ گونەه بیت، چونکى زۆر جاران کچ تووشی ڤێ چەندێ دبن ژ بەر لێدانێ یانژى کەفتنێ یان ژ بەر هەر حالەتەکێ دى کو دڤێت ئێکسەر ببەنە نۆژدارى و کاغەزەکێ بدەنێ. چونکى ئەو کەسێ دهێت ڤێ کچێ بخوزابیت دڤێت بێتە ئاگەهدار کرن. لێ زۆر کەس دبێژن دڤێت مرۆڤ یێ سەربەست بیت و ئەڤ سەربەرستیە دبیتە ئەگەرێ دروستبوونا ئاریشان.
دبیت زەلام تا درەنگ نەزڤریتەڤە یان ژى ڤەخوت، سەرخۆش بیت، کارێن نەشرین بکەت، مال پاشگوهاڤێت و نەشێت ب دروستاهى خێزانا خوە خودان بکەت. لەوما تووش دبن. ل ڤێرەدا چ کچ ئان کور بیت گرنگە رەوشەنبیرییا سێکسی دەف هەبیت. لێ خەلکێ مە هێژ ب دروستاهى د رەوشەنبیریا سێکسى نەگەهشتیە و دناڤ جڤاکى مە دا هێشتا (نەزانین) کاردکەت و هەتا مرۆڤ رەوشەنبیر بیت زۆر تشت دەف مرۆڤى دهێن گوهرین. لێ ئەڤرۆکە زۆر کەس ڤی کاری دکەن ب رێکا کارێ خوەیێ رۆژانە ل فەرمانگەهێ ئان ئەو جهێ لێ کارکەت و دبێژن ئەم هەڤالین و چو جوداهى دناڤبەرا ژن و مێران دا نینە. لێ ئەڤ یەکە دوورە ژ راستیێ. لەوما دڤێت ژ وان کەسان یێن رەوشەنبیر دەسپێکەت تاگەهیتە کەسەکێ بەر پەزى ئانکو شڤان. هەروەسا پاراستن زۆر باشە، چونکى ژ تێکەلیا کور و کچان و ژن و مێران ب تایبەتى ل ڤى چەرخى ئێشێن گران و کوژەک دەرکەڤیتینە. چارەسەریا وان ئاریشان ژى زۆر زەحمەت و ئاستەنگ بوونە.
ب مخابنى ڤە ئەڤرۆکە گەنجێ مە مژیلى مەیڤەخارن، رابواردنا دگەل ژنان و کارێن نەشرینە. نەک ئاڤەدانکرن و پێشکەڤتنا رەوشەنبیریێ. لەوما دڤێت جڤاک بێتە هشیارکرن و خول بوو ڤان بێنە ڤەکرن ب تایبەت ل سەر کریارا سێکسی. چونکى ئەڤ کارە ب مەترسینە و دڤێت هشیارى ل سەر هەبیت، چونکى ئەگەر کەسەک تووشببیتێ ئێدی ب زەحمەتە بێتە چارەکرن.
· مامۆستا
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)