ددەمەکی دا کو کارەب ژ پێدڤیێن سەرەكى یێن ژيانێ يە. لێ ل كوردستانێ دوماهى تشتە کو بەحس ل سەر دهێتە کرن ژلایێ حکوومەتێڤە. كارەبا گشتى ل چلێ هاڤینێ و زڤستانێ هەر ٦ دەمژمێران جارەكێ دهێت. دهۆک شارێ هەژاران ل هەمى دەمان بهايا ئەمپێرێن كارەبێ ژ هەمى باژێران گرانترە. ددەمەكى دا کو كارەبا موليدەى ژى نيڤا رۆژێ و شەڤێ نينە! مووچە ژ ٢٠١٤ تا نوكە پترى ١٠ هەيڤان حكومەت دەيندارا خەلكییە. ئەڤ مووچى كێم یێ دهێت ژی بۆ كريا خانى، كريا موليدەی و كريا كارەبا گشتى يە. ئەرێ ما شەرمزارى و دكتاتۆرى حەتا ڤى رادەى؟ ما ڤى مللەتى هوين داناينە سەر كورسيكا تنێ دا مووچەی وەرگرن؟ ئەرێ ما خەلك مارە دا ب ئاخێ بژيت؟! سيستەمێ سياسى يێ فاشل کو ئاڤ نەیی و بهایێ کارەبێ پترە ژ دەمێ هەیی. هەروەسا سيستەمێ پەروەردێ و سيستەمێ ساخلەمیێ ژی فاشلن. باشترە هوين خەلكى كۆمكوژ بكەن ژ ڤی شەڕێ دەروونی یێ هووین خەلکی پێ دكوژن. پتريا وان جهێن کو پێدڤی ب کارەبێ هەیی، هەوە کارێن وان یێن راوەستاندین.
نوکە وەرزێ خاندنێ يە و قوتابى پێدڤی ب کارەبەکا بەردەوامە. لێ کارەبەکا کێم ددەن و کرییەکا زێدە ژ خەلکی دستینن. ئانکو دنوكەدا خەلك يێ سێ بهايان بۆ كارەبێ ددەت (كارەبا گشتى، كارەبا موەليدان، رۆناهيێن ئەلەكترۆنى و شەمالك). دەمەكی شەمالك بۆ هەلكەفتنان بوون. لێ نوكە ژ بەر بێسەروبەرییا وەزارەتا كارەبێ و حكومەتا بێ كار، بازارێ گەرم بووى. ئەگەر ٢ هەيڤان بهایێ موەليدان ژى نەهێتە دان كارەب دهێتە بڕين. تنێ دەمێ هەلبژارتنان نەبيت بڕيار دهێت كارەبا خەلكى نەبڕن. مانە شەرمە حكومەتەك بازرگانیێ ب خەلكى بكەت، مووچێ وان نەدەت و باجان ژی ژێ بستینیت؟!
هەڵبەت ژمێژە دشێن موەليدا راكەن. لێ بازرگان دێ ب چ دزيان كەن؟ حكومەت دبێژيت ژ بەهرا هەرێمێ ١٠٠ مێگاواتێن كارەبێ ددەتە كەركووكێ! لێ ل باژێرێن هەرێمێ تاریستانە و ئەو پارێ بۆ ئينانا كارەبێ ژى تێتە دزين. کەس ژی نەشيايە بێژيتە حكومەتا عيراقێ خەلكێ مە بۆ بەرى ٣٠ سالان يێ زڤرى. پرسيار ژی ل ڤێرە ئەوە، ئەرێ ژ راستا خەلكێ دهۆکى يێ مرتاحە؟ بۆچی یێ بێدەنگە ل سەر ڤێ بێ دادیێ؟ خەلکینۆ يان بهايێ كارەبێ بدەن، یانژی نەدەن يانژى خۆپيشاندانان بكەن. بێدەنگبوون ل سەر مافان نە ژ نيشانێن هێزى يە. پێویستە خەلكێ دهۆکێ خۆراگر بیت بەرامبەر وانێن بازرگانیێ ب وان دكەن!
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)