(المولد النبوي) یانژی مەولوودا پێغەمبەری کو دبیتە رۆژا ژدایکبوونا محەممەدی، پێغەمبەرێ موسلمانان (ص) و دکەڤیتە رۆژا (١٢ی ربيع الاول) ل گۆر ساڵناما کۆچی. موسلمان ل پتریا وەڵاتێن ئیسلامی ڤێ رۆژێ بلند رادگرن و ساخدکەن وەکو کەیفخۆشی بۆ ژدایکبوونا پێغەمبەرێ خوە. ل کوردستانێ ژی ب هەمان شێوە مەراسیمێن ئایینی دهێنە سازکرن، سروودێن پەسنا پێغەمبەری دهێنە خاندن، دیسان مەولوود دهێنە ئامادەکرن و شرینی ژی دهێنە بەڵاڤکرن. ب ڤێ هەلکەفتێ بڕیارە ئەڤرۆ ٢٠/١١/٢٠١٨ چەند چالاکی ب ڤێ هەلکەفتا پیرۆز ل پارێزگەها دهۆکێ ژی بهێنە سازکرن. ب هیڤییا کو ببیتە رۆژا خوەشی و ئارامیێ بۆ هەمی خەلکێ کوردستانێ.
