دەریا ژ ئاڤئ ھشک دبوو
ئاسمان ژ ستێرا ڤالا ببوو
بووک یا تازیا خۆ دگێرینیتن
یا نەخۆشبوو…
بلا ھەر ب خەون بمینیتن
مزگەفت دھەرفی..
زارۆکی ل جەژنێ نەدڤیا
بدەرکەڤیتن…
گەنج یێ ل پەرتووکخانێ نەرگیلێ
دکێشیتن
یا سەیر بوو…
دێ بلا ھەر ب خەون بمینیتن
دۆست و خزم نەمان د دیوانا شەڤێ
ھەڤالان زولم کر کویرکر جھێ برینێ
نەڤی یێ چاڤێن باپیری دگرینیتن
گەلەک یا تەحلە…
بلا ھەر ب خەون بمینیتن
پەیڤ ژ من درەڤین
ھزر چۆبوون د ژوورەکێ دا
و دەرگەھی لێ دگریتن
پێنڤێسێ دەستێ من دێ شینیتن
ئەڤە یا گریا من دئینیتن
خودێ بلا نەبیتە راستی
بلا ھەر ب خەون بمینیتن!