کورد و مێژوو

نەتەوا کورد کو یەک ژ کەڤنترین نەتەوەییێن جیهانێ یە، هەزاران سالان ڤەگەڕی پاش. ئەگەر تەماشەی دیرۆکێ بکەی دێ هەبوونا کوردان تێدا دیاربیت و رەنگە گەلەک کەس ڤێ پرسیارێ بکەن؛ ئەرێ بۆچی ئەڤ نەتەوە نەشیایە ببیتە خودان دەولەت؟ جا ئەڤ دەولەتە دەولەتا نەتەوەیی بیت، یان دەولەتەکا مەدەنی یا دیموکراتیک یانژی هەر جۆرە دەوڵەتەک کو تێدا حوکمڕانیا خوە بکەت. ب باوەرییا من بەرسڤا ڤێ پرسیارێ گەلەکا بزەحمەت نابیت، لێ گەلەک راستیێن تەحلێن تێدا، ژبەر هندێ زۆربەی کەسان حەزا گوهلێبوونا وان نینە.

ل ڤێرە دێ بەحس ل چەند ئەگەرو فاکتەران کەم کو بووینە ڕێگر هەمبەر دروستبوونا ڤێ قەوارەیا یاسایی و سیاسی یا کورد کو نەبوویە دەوڵەت. ئەڤە ژی ڕامانا وێ چەندێ نادەت کو هەمی بزاڤێن نەتەوا خوە ڕەش بکەین، بەڵکو دقۆناغێن جۆدادا بزاڤ و پێنگاڤێن باش ژی هەبوونە. لێ دێ هەوڵدەم ئەگەرێن بووینە ڕێگر بەحس کەم. ژبەرکو کورد مللەتەکێ خێلەکینە و بەردەوام پارچەپارچە و بەشبەش کارێن خوە ئەنجامداینە. زۆربەی جاران ئارمانجەکا هاوبەش بۆ خوە نەدیتیە داکو کار ل سەر بکەن، دکەڤندا کورد ب ناڤێ بنەماڵا هاتینە نیاسین بۆ نموونە مێرنشینا شەدادی و گەلەکێن دی. دگەل وێ چەندێ کوردا چجار کارێن خوە برێکخستن و دبلۆماسی ئەنجام نەداینە. هەر کەسەکی بۆ خوە و مەرەمێن خوەیێن تایبەت کاڕێن خوە ئەنجام داینە. کورد ئامادەنە برایێن خوە بکوژن بۆ مەرەمێن خوەیێن کەسۆکی، ب درێژاهیا دیرۆکێ ئامادەنە سازشێ بۆ دوژمنێن خوە ژی بکەن هەر بۆ وێ چەندێ داكو خوە ل سەر ئێکودوو ب سەپینن.

نموونە بۆ ڤان کریارا د زۆرن، ئەڤ سیناریۆیە هەر ژ کەڤندا ژی هەبووینە ل دەڤ زۆربەی کوردا. گەلەک ئاساییە ببنە داردەست و زەلامێن داگیرکەران. ئەڤ جۆرە مرۆڤە دزهنا تاكێ كورددا ب جاش و بەعسی دهێنە ل قەلەمدان. لێ یا سەیر ئەوە ئەڤ جاش و بەعسی یە، ل هەر وەختەکی برایێن یەکەمینن و چجار ئەڤ جاشە سزا ل سەر نەهاتیە سەپاندن. گەلەک جاران پلەو پۆستێن باش ژی پێ هاتینە بەخشین و نموونە د زۆرن. هەر بۆ هندێ جاشایەتی و بەعسی بوون بکارەکێ ئێکجار جوان دهێتە لقەلەمدان. هەر ئەڤان ئەگەرا ئێکا هند کریە کورد زۆربەی دەما بێ ئیرادە بن، ب چاڤەکێ کێم تەماشەی خوە بکەن و د لاواز بن. پێچەوانەی خەلکێن جیهانێ تەماشەی ژیانا خوە دکەن کا چەوا ئەو بشانازی ل خوە دنێرن!

سەرکردێن دیارێن ڤی مللەتی هەمی دەما هزر ل ژیانا خوە کریە و هاولاتیێ هەژار ژی فەرامۆش کریە کا چەوا ئەڤرو ٤٩ ملیۆنان بدەنە پەرلەمانتارێن خوە و هەژاران ژی برسی، بێ نان و بێ کەرامەت و… هتد. ئەگەر ئەم بۆ ڤێ چەندێ ڤەگەرینەڤە سالا ٢٠٠٣ێ ئەرێ بۆچی سەرکردێن کوردان هزرا دروستکرنا دەولەتا کوردی نەکر؟ یا دیارە دا مەرەمێن خوەیێن تایبەت و بنەمالەیی پێ پر بکەن. بەلێ ل دەمەکێ زۆرێ هەستیار و نە گونجای هزرا وان هاتە دەولەتا کوردی و کورد گەهاندنە رۆژا ئەڤرۆ ئەوا ئەم هەمی ب چاڤێن سەرێ خوە دبینین، بۆ هندێ دێ بابەتی بگوتنەکا بیرمەندێ کورد پیرەمێردی ب داوی ئینم (کە ئێمە فێری شەڕە گەرەکین کە بووین بە ئەحزاب ئیتر چۆن یەکین).

  • چالاکڤان

(گووتار دەربڕینا بۆچوونا نڤیسکارانە نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top