ل دەستپێکا هەر هەلبژارتن و هەوەکا هەلبژارتنان، هەر کاندید و پارتییەک دێ بۆ خۆ پرۆژەکێ دروست کەن و دویف وى پرۆژەیێ وان دانایى گووتن و بڕیاران کەن. هەروەسا دێ سۆزا دەنە خەلکى. لێ د راستى دا هیچ راستی و هەلویستەک بۆ وى پرۆژەی و وان سۆزان نینە، تنێ بانگەشا هەلبژارتنایە.
هەموو پارتیێن سیاسى ژنوى دێ دەست ب ئاخفتن و سۆزا کەن دگەل خەلکى. دێ هندەک بڕیارێن نوى و سۆزێن نوى هێنە راگەهاندن ژ بۆ بەرژەوەندیا خەلکى ب گشتى و دێ پرۆژێ خۆ راگەهینن. لێ پشتى دەربازدبن و د گەهنە ئارمانجا خۆ دێ هەمى تشتا ب ئێکجار ژ بیرکەن و ب هیچ رەنگەکی ئەو پرۆژە، بڕیار و سۆزێن داینە خەلکى ناهێنە جێبەجێکرن.
یا ئەم دبینین و یا دیار هیچ پەرلەمنتار و پارتییەک ل دویف پرۆژە، سۆز و ئاخفتنێن خۆ نینە. تنێ ئارمانجا وان ئەوە بگەهنە وێ یا وان دڤێت کو کورسیکە. هەر کاندیدەک دێ پتر سۆزا دەتە خەلکى، پتر درەوا بۆ خەلکى کەت و پتر تاما دەڤێ خەلکى خۆش کەت. هەر کەسێ پتر ئاخفتنێن ب درەوا بکەت دێ پتر ب هیڤى بیت کو ب گەهتە کورسیکێ.
لێ ب راستی نابیت ئێدى خەلکێ مە هندە یێ سادە بیت. پێدڤى یە تێبگەهیت، باوەر ژ هیچ ئاخفتنەکا ب درەوڤە نەکەت و هندەک پێنگاڤێن نوى بهاڤێژن بۆ پاشەرۆژا خۆ و ژیانەکا نوى بۆ خۆ دابین بکەت. برا.. دەنگێ تە پاشەرۆژا تەیە و نابیت ب فراڤینەکێ یان ب تشتەکێ کێم بهێتە کڕین و بازرگانى پێ بهێتە کرن.
- رۆژنامەڤان
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)