چاخ ل دووڤ چاخی یێ دسەر مە رە دبووریت و ئەم یێ شەرەنیخێ دگەل ڤی چاخی دکەین. هەمی ململانە و سەمایە و چاخێ سەربەردایی و بێ دادیێ یە. ئەڤ چاخە خوە ل سەر تەخەکا مرۆڤێن بێ دەستهەلات و خودان ویژدان و هەناسە و دەروون پاقژ دسەپینن. ژلایەکێ دیڤە تەخەکا دنژی دبنە ئامرازێن پرۆپاگندەیان بۆ نەهنگێن ڤی چاخی. هەروەسا جار جاران ژی دبیتە چاخەكێ رکۆیی و ئەم تێدا کەربێ ژ خوە هلدگرین و کەربێن مە ژ وی ژی ڤەدبن. مخابن هەمی هیمایێن بێ دادی و بنپێکرنا مافێن مرۆڤان ژ سەروسیمایێن ڤی چاخی دفڕن. نەهنگێن ڤی چاخی ژی هەر یێ دبێژن کو ئەو ژی مرۆڤێن ئاسایینە و وان ژیانەك وەکهەڤ و یەکسان دڤێت. لێ ل بەرامبەر دە ئەم دبێژن ئەڤە ب تنێ پەسنێن بێ واتەنە و هوون مە پێ دخاپینن و دێ بوورن و چن. هوون ژی وەك نەهنگێن دناڤ ئاڤا دەریایان دە هەردەم ڤارێ دبەن و خوە ژ سادەترین مافێن هەژار و بەلەنگازان ژێڤە ددزن. لەوما ئەم ئەڤ تاك و کۆمەڵ و گرووپێن مرۆڤان کو دناڤ ڤی چاخی دە دژین، ئەم دبێژینە وە نەهەنگان ئاگرێ دۆزەخێ ژ بۆ مە گەلەك خۆشترە ژ ڤی چاخێ بێ دادیێ کو تێدا دگەل هەوە بژین.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)