هەرچەندە پەیوەندیێن هەرێما کوردستانێ و تورکیا ب شێوەیەکی فەرمی دزڤرن بۆ قۆناغا پشتی شکەستنا رژێما بەعس، ب تایبەت ل سالا ۲۰۱۱ دەمێ رەجەب تەیب ئەردۆگان سەرۆک وەزیرانێ وی دەمی یێ تورکیا سەرەدانا هەرێما کوردستان کری و پشکداربووی ل رێورەسمێن ڤەکرنا فرۆکخانەیا نیڤدەولەتی یا هەولێرێ پەیوەندی بەرەڤ پێش چوون. لێ پشتی رێزدار نێچیرڤان بارزانی سەرۆک وەزیرێن وی دەمی یێ هەرێما کوردستانێ ل دویڤ بەرنامەیەکی دارشتی دەست ب موکوم کرنا پەیوەندیان کر ل گەل تورکیا ئێدی ب شێوەیەکی بەرچاڤ پەرەسەندنەک ل پەیوەندیێن ناڤبەرا هەردوو لایان دا چێبوو. نێچیرڤان بارزانی ب دروستکەرێ ڤێ پەیوەندیێ دهێتە نیاسین، ژبلی کو نێچیرڤان بارزانی ئەندازیارێ ئاڤەدانیا ناڤخۆیا هەرێمێ بوو، هەروەها ئەندازیار و دارێژەرێ پەیوەندیێن دیبلۆماسی یێن بهێز بوو ل گەل جیهانا دەرڤە و هێزێن هەرێمی ب تایبەت تورکیا کو هیچ کەسەکی چاڤەرێ نەدکر رۆژەکێ ژ رۆژان ب ڤی شێوەیێ زەبەلاح ئالۆگۆریا بازرگانی و پەیوەندیێن دیبلۆماسی ل گەل تورکیا بهێنە دامەزراندن. بێ گومان ئەڤ پەیوەندییە ل ژ دەستپێکێ تا رۆژا ئەڤرۆ ئەڤراز و نشێڤێن زۆر دیتینە، لێ حیکمەت و لێهاتووییا نێجیرڤان بارزانی ژ هندێ مەزنتر بوو کو ئەڤ پەیوەندیە ل سەر ئالۆزیەکا بچووک بهێنە برین، بەلکو ل نێجیرڤان بارزانی ل سەر وی بنەمایی کارکر کو ئێدی تورکیا خۆ ب خۆ گرنگیێ ب ڤان پەیوەندیان بدەت ژبەر کێشانا بۆریێن نەفتێ و ئینانا ژمارەیەکا زۆر یا کۆمپانیێن زەبەلات بۆ کوردستانێ و ….هتد.
راستە زۆر ل کاودانێن کوردستان تێ را بۆری و گەلەک رەفتارێن کوردستانێ زیانبەخش بوون بۆ ئاسایشا نەتەوەیا تورکیا و گرنگترین تشت ریفراندۆما سەربەخۆییا تورکیا بوو. لێ سەرەرای هندێ تورکیا ئەڤە پەیوەندیە نەبچراندن بەلکۆ زێدەتر گرنگی پێ دا. ئەوا ل ڤێ دوماهیێ هەول بۆ دهێتە دان ژ لایێ پەکەکە و چەندین رێکخراوێن دی ڤە بۆ بنبرکرنا ڤان پەیوەندیان تا رادەیەکێ کارێ خۆ کر و هەول دان ب کریارەکا تیرۆریستی بشێن دیپلۆماتکارەکی تورکی ل هەولێرا پایتەخت بکوژن، بوو جهێ دڵگرانیا تورکیا و ل بەرامبەر دا حکومەتا تورکیا هژمارەکا گەشتیارێن کورد دەستەسەرکرن، خەریک بوو ئەڤ پەیوەندیە بەرەڤ ئاقارەکی خراب بچیت و بارودۆخ ئالۆزبن. لێ ئەوا جهێ دلخۆشیێ ئەوە کو کوردستانێ سەرۆک هەرێمەک مینا نێجیرڤان بارزانی هەیە کو هەمیشە ب حیکمەت و لێهاتوویی و زیرەکیا خۆ بارۆدۆخ راگرتن و ب هەولێن بێ بچران یێن جەنابێ وی گەشتیارێن کورد هاتن ئازادکرن ل تورکیا. لەوا ئەم دشێین بێژن رێزدار نێچیرڤان بارزانی سەرۆکێ هەرێما کوردستانێ ئەندازیارێ ئاڤەدانیێ، ئاشتیێ و دیپلۆماسیەتێ یە و هەمیشە کوردستان بەرەڤ ئاقارەکی ئارام بریە. کوردستان ب سەرۆکایەتیا جەنابێ وی دێ چیتە دناڤ قۆناغێن باش و باشتر دا کو مەزنتر بیت ژ هندێ کریارێن تیرۆریستی یێن پەکەکە و هەڤشێوەیێن وێ بشێن زیانێ بگەهیننێ.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)