کەسایەتیێ سیاسیێ کورد و پارتی دیموکراتی کوردستان نێچیرڤان بارزانی وەک سەرۆک وەزیر د کابینا هەشتێ یا حکومەتا هەرێما کوردستانێ دا رۆلەکێ هەری گرنگ د بوارێ دبلۆماسی دا گێرا و دنهادا ژی سەرۆکێ هەرێما کوردستانێ یە. کوردستان پێتڤی ب سەرۆکەک خودان کارێزما و کەسایەتیا دبلۆماسی هەیە و ئەڤ هەردوو سیفەتە د کەسایەتیا نێچیرڤان بارزانی دا دیارە و ڤێ یەکێ ژی گرنگیا خۆ هەیە بۆ پۆستێ سەرۆکێ هەرێمێ. ئەنجام ژی سەرکردێ کارێزما هێزا کارتێکرنێ ل دەوروبەرا هەیە و زووتر ئاخفتن و بریار جهێ خۆ دگرن و دبلۆماسیەت وەکی کارەکێ عقلانی پشتبەستنێ ل سەر کەساتیێ دکەت. ئەڤە ژی د کەساتیا نێچیرڤانی بارزانی دا دیارە و ئەنجامێن باش ژی دبوارێ دبلۆماسی بدەستڤەئیناینە. هەروەک ددەما بوری دا پێنگاڤێن هەری باش بۆ سەرەدەریکرن دگەل ژینگەها نیڤدەولەتی هاڤێتن و ب ئاوایەکێ سەرکەفتی بوینە. ئەڤە ژی د وێ ئێکێ دا دیاربوو کو بەردەوام وەلاتێن بهێز و خودان پێگەه ل جیهانێ هەی دهاتە گازیکرن. ئانکو د پلەیا هەری بلند دا ل ئەوروپا دهاتە پێشوازیکرن.
سەرەدانێن ل دوڤ ئێک ژ پشتی دورپێچێن دبلۆماتیک یێن بەغدا، نێچیرڤان بارزانی شیایە پەیوەندیێن دبلۆماسی بهێز بێخیت و بوویە نونەرێ راستەقینە یێ کوردان و پشتەڤانیا چەندین دەولەتان بدەستخستیە ددەما بوری دا، و شیایە ب رەنگەکێ دبلۆماسی دوماهیێ ب گەلەک کێشەیان بینیت. ژ وان کێشەیان کو پێشتر رەوش ل کوردستانێ ب سەدێ و بیست پلەیان ب گشتی هاتبوو گوهرین ب ژدەستدانا خاکا کوردستانێ و بەردەوامیا سەپاندنا سزایا ژ عیراقێ بۆ سەر کوردستانێ و پێشێلکرنا دستوری ژ لایێ عیراقێ و سەپاندنا سزایێن سیاسی و ئابوری و بنپێکرنا مافێ مروڤی کو کوردستان تووشی شکەستەکا سیاسی و ئابوری و شەرەکێ دەروونی یێ گرانبوو. سەرەرای ڤێ یەکێ نێچیرڤان بارزانی د هەولێن خۆ دا یێ بەردەوام بوو و رێکێن دبلۆماسی گرتنە بەر و شیا باردۆخی ئارام بکەت. هەر وەک ل دەستپێکێ سەرەدانا فرەنسا کری کو ئەو وەلات وەکی هێزەکا مەزن پێگەهێ وێ ژی هەیە بۆ چارەکرنا پرسگرێکان، فرەنسا جەمسەرەکێ هەری بهێز یێ ئەوروپا و ئەندامێ بەردەوام یێ کونسەیا ئەولەکاریێ یە، کو ماکرۆن د کۆنگرەیا رۆژنامەڤانی ل کۆشکا ئیلیزا داخازکر بوو رێز ل کوردان ژ عیراقێ بهێتە گرتن. هەروەسا ئەلمانیا ئێکە ژ وان وەلاتێن پەیوەندیێن سەربازی دگەل هەرێما کوردستانێ هەی، وەلاتەکێ بهێز یێ دناڤ ئێکگرتنا ئەوروپا دا دڤێت پەیوەندیێن سیاسی ژی دگەل هەرێما کوردستانێ گرنگیێ پێ بدەن. سەرەدانا بارزانی بو هەر ئێک ژ فرنسا و ئەلمانیا کو دوو وەلاتێن زلهێزن جهێ سەرنج و گرنگی پێدانێ بوون و سەرەدانا بارزانی بۆ فاتیکان ئاشکرایە کو هەولێر و فاتیکان ل پێشتر پەیوەندیەکا موکم هەبوویە و سەرەدانا بارزانی بۆ ئیرانێ وەک وەلاتەکێ بهێز یێ دەڤەرێ و جیرانێ هەرێمێ و ئیرانێ پێشوازی ل نێچیرڤان بارزانی کر.
ئەڤە رامانا وێ یەکێ بوو کو وی وەلاتی ژی دانپێدان ب شرعیەتا حکومەتا هەرێمێ دکر، هەر دیسان بانگهێشتکرنا نێچیرڤان بارزانی بۆ لەندەن ئێک بوو ژ پێنگاڤێن دبلۆماسیێن سەرۆکێ حکومەتێ هەر وەک دیار رۆژ ب رۆژێ زێدەتر دەرگەهێن جیهانێ ب روویێ هەرێما کوردستانێ دا د هاتنە ڤەکرن. ئانکو پەیوەندیێن بهێز یێن نێچیرڤان بارزانی شیایە چەندین باردۆخێن نالەبار دەربازبکەت و پەیوەندیان دگەل سەرۆک و وەلاتێن جیهانێ دروستبکەت. بۆ داهاتوویێ کوردستانێ ژی ڤان پەیوەنیان دێ کارتێکرنەکا راستەوخۆ هەبیت ل سەر بدەستڤەئینانا ئامانجا ژبۆ کوردستانێ و ل دیڤ کارێن بەرچاڤ یێن نێچیرڤان بارزانی وەک سەرۆک هەرێم ژی دێ هەبوونا خۆ هەبیت و کوردستانێ بەرەڤ ئامانج و سەرکەفتن و گوهرینێن مەزن بەت.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)