ئاڤ لێڤ بوون
ل ئێڤارەکێ
خەوەک ب چاڤێت من ڤەنسیا
بى دەنگییەکێ خۆ ب سەر دادا
دناڤ جڤاتا خەونێت من دا
رۆندک د هەمبێزا رۆژێ دا ب خریکێن چوون
هەستێت من هەناسەکا کویر هەلکێشا
هزرێت من دویر دویر برن
بلند کرن
گەلەک وێنە لێ کۆمکرن
گەلەک کابووس ل بەر رێزکرن
نە ئەلندا رۆژێ دڤیا ب دەرکەڤیت
نە شەڤەکا بێ ئەختوبار
کڕێنێ ژ دلێ من بینیت
ئەز نزانم!
چ باهۆز و ج شەهە
دڤێت کەڤالێ قەدەرا من
ب سەرێ یادگاریێت من ڤەکەت
ب راستیەکێ هەمى خەونا بن پێ بکەت.
…….
نە دهێیە پێناس کرن
ب هەلبەستەکێ نە دهێیە بێهن کرن
ب رۆندکەکى نە دهێیە ژبیرکرن
ب ئەڤینەکێ نە دهێیە هەمبەرکرن
تایا ئازارێت من
دناڤ دەستێت ژانێت تە دا ژبیرڤە دچیت
تاریاتیا شەڤێت من
ژبۆ رۆناهیا عەشقا تە یا دگریتن
ژیان ب رۆندکێت تە د بەهیتن
دلۆڤانى ژ دەهمەنا وان دکەڤیتن
چونکە ب تنێ تۆ.
د هەلاتنێ دا دگرنژى
ل ئاڤابوونێ رۆندکا د رێژى
رۆناهیا هەبوونا خۆ
ژانا ژ رها دهەلکێشى
ل تاریاتیا نەبوونا خۆ
من ل بەرسینگێ رۆژێ دانى
جەرگ و دلا تێک دا دسوژیت
هەستێت من
هەمى رەنگێت هەناسا
هەمى ئاواتێت ساڤا
هەمى ئەلندێت ب وەستیک و ب گاڤا
ب گریا خستن
دیسان ژیان
ب خۆ دگرنژیت
و ب من دبێژێت
بێ ترس و شەرم
ب درەوەکا بێ رامان
راستیەکا پڕى حەژێکرن و ڤیان
بن پێ کەتن
و د هاڤێژیت…