دلێ من
ل دیدارا شەڤەکێدا
د مێهڤانداریا گرنژینەکا هاردا
بەرەف گەشتەکا داماى چوو
سەمایەکا بێ پەیڤ و گاڤ
خۆ دمن وەرکر
کەنى گریکێت من
کرنە ئێخسیرێت شەڤەکا خەم لى هزرەت
ب ئەڤرۆیا خۆ
سۆپەیا من یا ساویلک گراند
بێ دەنگیەکێ گیانى مە پەچنى
مە ژى. دناڤ هەمبێزکرنا خەونان دا
ڤەشارتنا ژانادا
دەمێ دێمى هەیڤێ دناڤ جوانیا خۆدا
ئاواز دستراندن
جوانترین پەیڤ دهەلاڤێتن
یارى ب زارۆکینیا سۆزان دکر
ئەڤین.. ژین و .. گرنژین د کوزراندن
هەناسا خۆ ژى دگەل گڤاشت
بەلێ هەر ژ بارانا بێ هیڤى بوونێ زوها نەدبووم
دناڤ ئاگرێ دلێ خۆدا هەرێ دکەلم
و دکەلم هەتا سپێدێ
بڤى رەنگى نۆبەردار بووم
…..
د گەل دەرکەفتنا
ئەلندەکا سل ژ رۆژێ
سپێدەییەکا ژ خۆ شەرمکرى
بوهارا ژیێ من کرە پائیزەکا پاشڤەماى
ژ بیرهاتنێت بەس ژێ خەم ماین
کەنى گریکێت من
کرنە ئێخسیرێت شەڤەکا خەم لێ هزرەت
ب ئەڤرۆیا خۆ سوبەیا من یا ساوێلک گراند
ب بارۆڤا خوریا دلێ خۆ
کەلا هناڤێت خۆ
پشکڤینێن دوژمنێت ئەڤینا من
ئەز لال کرم
دەرێژا ئەشکەنجەدانا هیڤیا ژى
یا دەستێت خۆ
ب کەزیێت سپیاتییا دا دئینتە خار
یا تەڤنەکێ فێلا درێسیت
نە من دکوژیت
نە ژینەکا هیشتا ژ رۆژێ ئاش نەبووى
د گەل من بێژیت
….
کۆچا ملیۆنیا رۆندکا
ژ نوو دەسپێکر
هندەک دناڤ بێ دەنگیا دلێ خۆدا فەتسین
هندەک ژى دناڤ کەلا دلێ خۆ دا سۆتن
هندەک ژى ل بەر بارۆڤا حەزێن کیڤى تەپەسەربوون
کزگریۆکا شەبەنگان ژى هەیف دخەوبر
دووماهیک لاپەرێن ژیانا من ژى
خۆ هشیار کر
هەمبێزا ڤان ئازاران کر
حەژ تە دکەم
یاریێ ب جوانیا چاڤێن تە.. بەژنا تە.. پرا تە ناکەم
هەتا خۆ بەرى دووماهیک هەناسا خۆ ژى
دێ سۆزا خۆ گۆریکرنێ و قوربانیدانێ
دیارى و پێشکێشى تە کەم