ل 11 ئیلۆنا سالا 1961 شۆرەشەکا سەرتاسەری دەستپێکر، مللەتێ کورد ب هەموو تەخ و چین و ئاین و پێکهاتانڤە ب سەرکردایەتیا جەنەرال مەلا مستەفا بارزانی شەڕ بۆ بەدەستڤەئینانا مافێ گەلی کر. پشتی سەرکەفتنا شۆرەشا ئیلۆنێ ل ۱۱ێ ئادار۱۹۷۰ ئێك ژبەرهەمێ وێ شۆرەشێ بوو رژێما بەعس نەچاربوو دان (اعترافێ) ب مافێ گەلێ کورد بکەت. دیسان بيرەوەريا شۆرەشا (۱۱ئیلۆن)ێ ل مللەتێ كورد بەرهەمێ ئەڤرۆ خەباتا وان رۆژایە یا ئەم نوکە تێدا دژین. سەربەرزی و نەمرى بۆ شەهيدان. درۆژەکا وەکی ئەڤرۆدا سەرەرای وان نەخۆشی و ئاوارەبوون و نەهامەتیێن دژوار کەتینە بەرامبەر ئیرادا گەلێ کورد تایبەت پێشمەرگێن کوردان یێن وی سەردەمی بهێزو هەبوون و خەباتا دویرودرێژ ل ناڤ چیا و دۆل و نەهال و شکەفتنان ب زکەکێ برسی شۆرەش یا ئەنجام دای تاکو کوردستان گەهاندییە ڤێ رۆژا ئارام و ئاڤەدان بەردەوام بەرگێری یا کری. ب ئیرادەیا گەلێ کورد و ب رێبەرایەتیا بارزانیێ مەزن جەنەرال (مستەفا بارزانی) مەزنترین و جەماوەریترین شۆرەشا نیشتیمانی و نەتەوەیی دمێژوویا کوردستانێدا هەلکر. ئەڤ شۆرەشە ب دەسپێکا قۆناغەکا نوی و گەش یا خەباتا گەلێ مە دهێتە هژمارتن. هەر ژ باژێرێ زاخۆ بگرە تاکو دگەهێت خانەقین. شۆرەشا ئیلۆنێ ددەمەکێ کورت دا شیا خۆ ب چەسپینین دگەل هەموو کاودانان و رێزێن خوە رێکبێخیت و هەموو پێکهاتێن کوردستانێ بێ فەرق وجوداهی کۆم بکەت و هەمبێز بکەت و بەرگرییێ ژ ماف و هەبوونا مللەتێ مە بکەت.
ل یادا شۆرەشا ئیلۆنا مەزن، رێزگرتن بۆ هەموو قارەمانێن کوردایەتی هەلبژارتی و بەرژەوەندیا کوردستانێ ل سەر بەرژەوەندیێن کەسی و حزبی ئێخستی. تاكه رێك بۆ ئێکگرتن و خۆشگوزه‌رانی و پێشكەفتنا کوردان بەرامبەری حکومەتا عێراقێ و هەر دوژمنەکێ دی بهێزبوونا پارتێن هه‌رێمی كوردستانێ یە. ئەو ژی ب لێكتێگه‌هشتن و ئاشتی و پێكڤە ژیانەکا دروست. یا فەر و پێدڤییه عێراق ده‌ستووری بكەت دیدەڤان سەر ڤێ چەندێ. ئه‌و عێراقا ل سالا “۲۰۰۳” رژێما بەعس هاتیە رۆخاندن و گەهاندیە بێ ئۆمێدیا ئەڤرۆ. دیسان كارکرنا لایەنێن کوردی پێكڤە د ناڤ مالیا كوردستانێ دا، فەرە ئه‌زموونا ژ ڕابردووی وەرگرن، ئەڤا هاتیە سه‌لماندن کو تاکە ڕێكە بۆ بدەستڤەئینانا مافێن خەلكێ كوردستانێ. دیسان ئەڤ یادە پیرۆزبت “٦۳” سالیا بیرەوەریا شۆرەشا ئیلۆنێ و سڵاڤ ل رۆحا بارزانیێ نه‌مر سەرکردەیێ كورد و شۆرەشا مه‌زن یا ئیلۆنێ و کاك ئیدریسێ هەمیشە زیندی و سڵاڤ ل رۆحا شەهیدێن شۆرەشا ئیلۆن و گشت شه‌هیدێن كوردستانێ.
• (گۆتار دەربڕینا بۆچوونا نڤیسکارانە، نەیا سایت و گۆتارنامەیا رۆژئارتیکڵ)