مووسا خالد- دهۆك*
ئێکگرتن و ئێکرێزيا نافمالا کوردی د ڤی دەمیدا زۆرا گرنگە و پشتی كۆمبوونێت شاندێ حکومەتا هەرێمێ ب سەرۆکاتيا مەسرور بارزانی سەرۆکێ حکومەتا هەرێما کوردستانێ پێنگاڤەك گرنگە بۆ چارسەرکرنا هەموو وان کێشەیێن دناڤبەرا حکومەتا هەرێما کوردستانێ و بەغدادا. یا ژ هەموویان گرنگتر و بهێزتر ئێکگرتن و رێکخستن و لێکنێزککرنا پارتێن هەرێما کۆردستانێ یە. پشتی سەرۆك مەسرۆر بارزانی سەردانا بەغدا کری دیارکر بۆ لایەن و پارتێن سیاسی کو ئێکگرتن بوویە ئەگەرێ سەرکەفتنێ و دڤێت ژی ب رێیا دەستووری سەرەدەری دگەل کێشەیێن ناڤخۆ بھێتەکرن و ئەو کێشەیێن دناڤبەرا هەرێم و بەغدادا بھێنە چارەسەرکرن.
سەرۆك وەزیرێ هەرێما کۆردستانێ دگۆتارا خۆدا گوت: دڤێت رێز ل سەروەرییا یاسایێ بھێتەگرتن و فەرە ھەموو کێشە بهێنە چارەسەرکرن بتایبەت کێشا مووچەی و هنارتنا وێ بەشێ بودجەی و داهاتێ هەرێما کۆردستانێ. دیسان زۆرا گرنگە ئەڤرۆ هێزۆ پارتێن سیاسی د ئێکگرتی بن و دڤێت داکۆکیێ ل هندێ بکەن برێیا دەستووری سەرەدەریێ دگەل وان بهێتەکرن ئەو کێشەیێن هەلاویستی چارەبکەن و ئێکگرتنا وان ببیتە ئەگەرێ سەرکەفتنان. چونکی ئێکگرتن گەرەنتییە بۆ سەرکەفتنێ. ھەروەسا هێزو سەرکەفتن گرنگە بۆ دەستڤەئینا هەموو مافێن گەلی کورد ب ئێکگرتن و هێزا پارتێن سیاسی و بزاڤکرن دەستڤەئینانا مافـێن گەلێ کوردستانێ. ئێکگرتن و تێکەڵبوونا ئالیێن سیاسی فەرە و ئێك ژ ئارمانجێن سەرەکی و گرنگترین هەوڵدانا بۆ ئێکخستن و ئێکرێزیکرنا ناڤمالا کوردی. ژبەر ڤێ چەندێ گرنگە هەموو حزب بریاربدەن ژ نوکە وێڤە وەکی هێزا ئێکدەست یا کوردستانێ کاربکەن بەرامبەر بەغدا بەردەوامبن ب ئێك ئاراستە و ب ئێك ڕێك کار بکەن.
گرنگه هەر ژ ئەڤرۆ ل بەغدا و هەرێما کوردستانێ دگۆرەپانا سیاسی، کۆمەلایەتی، مەدەنی، ئەڤا کو پێدڤی بیت خەباتێ بۆ بکەین. پێکڤە دبەردەوام بین. هەر نوکە ئێکگرتنا حزبا دکوردستانێ دا پێنگاڤەك چارەسەرە ب ئێکرێزێ و رێکخستنا ناڤمالا کوردی. گەلەك گرنگە و تێکەڵبوونا پارتێن سیاسی و هەم گەلەك کاریگەرە بۆ وێ چەندێ ئێك هەڵویست دناڤ حزبێن کوردستانێدا دروست ببیت ئۆمێدەوارین ئەف کۆمبوونە ل عێراقێ و تایبەت هێزا پارتێن هەرێما کوردستانێ ببیتە ئەگەرێ ئێکگرتن و ڤیانێ دناڤبەرا پارتێن کوردستانی ژبۆ خزمەتکرنا مللەتێ کورد هەمبەر بەغدا. فەرە نها بێژین بەلێ بۆ دروشمێ ئێکگرتن و ئێکرێزیێ رێکە چارەسەرییە و لێکنێزیكکرنا ئالیێن سیاسیێن کوردی کارکرن و بدوماهێکئینانا هەموو کێشە و ناکۆکیان.
- نڤیسەر و چالاکڤان
- (گۆتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)