رابین هاشم- دهۆك
ئەگەر بيرا مەبيت پشتى كەتنا رژێما عيراقێ ل سالا ٢٠٠٣ وەرزشا كوردستانێ چالاك دياردبيت و يانەيێن مە گەشەكر و پشكداریێن وان ل سەر ئاستێ ناڤخۆ و دەرڤە زۆر دبيت. پارەكێ زەبەلاح دهاتە خەرجكرن و تارادەكى ئەنجام دباش بوون. وەرزشا كۆمەل و وەرزشا تاك چاڤدان هەبوو، لى پشتى شەڕێ داعش ل عيراق و هەرێما كوردستانێ ل سالا ٢٠١٤ يانێن مە بەرەڤ خوارێ دابەزين ژلايێ ئابوورى و ئاستی ژی ڤە، ژبەركو قەيرانەكا دارايى ل سەر هەرێمى دا هات. لێ يا ل ڤێرى جهێ پرسيارێ ئەگەر حكوومەت هاريكاريا يانەيێن مە نەكەت دێ چارەنڤيس چ بيت؟ ئايا دێ يانە هێنە دائێخستن و وەرزش نامينت. گەنج و لاو وەرزشڤان و راهێنەر و بسپۆر و بەهرەمەندمەدى چارەنڤيسێ وان چبيت و ئەرێ ئەگەر حكوومەتێ جارەكا دى هاريكاريا يانەيێن مە كر و پشتى چەند سالێن دى ديسان يانە كەتنە قەيرانا دارايى. ئايا ديسان دێ گلە و گازندا ژ حكوومەتێ كەين.
ئەرێ ئەم وەك بسپۆرێن وەرزشى و ئەندام يانە و سەرۆك ئێكەتيێن وەرزشى و رێڤەبەرێن وەرزشى و لاوان ل چارەكێ گەريانە، ئەرێ مە چ پێگهۆر هەيە ل جهێ حكوومەتێ ل ڤى دەمى يانەيێن مە قورتال بكەت، يان دێ حەتا حەتا چاڤێ مە ل دەست حكوومەتێ بيت ئەگەر رەوشا دارايى باش بوو دێ وەرزشێ كەين. ئەگەر نە ژى دێ روونين و گازندەیان كەين. ئەرێ ب تنێ حكوومەت بەرپرسە ژ كەتن و داخستنا يانا يان يانێن مەژى كێمترخەم بووينە، وەكى من ل سەرى دياركرى پارەكێ زەبەلاح گەهشتە دەست هندەك يانەيێن مە. ئەرێ ب چ هاتە خەرجكرن، ئەرێ نەدەبوو ژێرخانەكا ئابوورى بهێز دانابا كو ل دەمێ قيرانا خۆ پێ رابگرن. ل دوماهيك دێ بێژم يانە كێمترخەمن و حكوومەت ژى ژبەركو چ دويفچوون و هەژمارتن نەكريەكا ئەڤ پارە ب چ هاتە خەرجكرن و دەرئەنجام وەرزشڤان و راهێنەر و بسپۆرێن وەرزشى زەرەرمەندن و زۆربەيا يانەیێن كوردستانێ ل بەر داخستنێ نە ژوان يانەيێن مەزن پارێزگەها دهۆك هيڤيا ديتنا چارەسەريەكا داوايى بۆ ڤان كێشەيێن بەردەوام.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)