قەهرەمان عەبدللا حەمید
مادەم هەیڤ غەوارە بوو
و گول نەمرن
بزانە
بەهیبوونا تاک و رهێن دلێ من
ب شەوقا رویێن تە بەرقرار نابیت
دلێ من
نە هنارە .. پرى دندک و ناڤ
نە دستارە.. بۆ پیش و پەلەخ و زیوانا بکەت بزاڤ
کا تو بگرە
ناڤ و دیاریێن خۆ
کا تو وەرگرە
بیرهاتن و گرنژینێن خۆ
من ڤیانەکا دى ل بەرە
ژ ڤان دەرا تو هەرە
دلێ من
د خازیت ئارام بیت
پرى هێمنى و دەرمان بیت
دا کیڤى ببیت ژ ئێش و ژانا
ژ دیوانخانا پەشێمانا
وەکى تە دڤێت بلا وە بیت
بێ خاترخاستن
بلا رێکا چوونێ یا تە بیت
ب چوونا تە
دترسیام
بەهەشتێن هەلاویستى وێران ببن
عەورێن ئەسمانى پرى دەرگەڤان ببن
بەلێ
نە بەهەشت وێران بوون
نە عەور ژار بوون
10/02/2020