قەهرەمان عەبدلڵا حەمید
چاڤێن تە
ب سەمتا خۆ یا نەچەمیاى
شەڤ هنگافتن
دلێ تە
ب شەوقا خۆ یا بەردریاى
خەم نخافتن
هەناسا تە
ب مێیاتیا خۆ یا ئاریاى
هناڤێن ترسێ بشافتن
گیانێ تە
بەلگێن دارا ئۆمێدێن زەر
تاک تاک کەزاختن
ب هاتنا تە
ستێرا گلواز کلواز
خۆ د بەژنا ئەسمانى وەراندن
ب دیتنا تە
گولا کت کت
خۆ د گەردەنا رۆژێ ئالاندن
خەملا تەیە رۆژ و ئەسمان
کرین حەیران
ئەرد و گەردون
کرین بوون و هەبوون
14/8/2019