خەونێن مە.. دیوارێن ل سه‌ر به‌فرێ

 

 

 

 

 

 

 

 

شیلان ئیسماعیل عادل- دهۆك*

ده‌مێ ئه‌م زارۆك مه‌ گه‌له‌ك خه‌ون و هیڤی هه‌بوون. خه‌ون و هیڤیێن مه‌ ژ مه‌ گه‌له‌ك مه‌زنتر بوون. مه ‌دڤیا ئه‌م مه‌زن ببین ب تنێ دا بگه‌هینێ. به‌لێ پشتی ئەم مه‌زن بووین, ئه‌و خه‌ون و هیڤی به‌روڤاژی مه‌ بچویك بوون. ئه‌و وه‌كی دیوارێن ل سه‌ر به‌فرێ لێ هاتن و پشتی حه‌لیانا به‌فرێ هه‌می هه‌رفتن. ‎ئه‌م یێن دسه‌رده‌مه‌كیدا دژین ب تنێ هزرا كاره‌كێ بچویك دكه‌ین بده‌ست مه‌ڤه‌ بهێت مه‌ ده‌م نه‌مایه‌ مه‌زن هزر بكه‌ین. ژبه‌ركو ئه‌م دزانین جڤاكێ مه ‌یێ بچویكه‌, ژبه‌ركو ئه‌م دزانین ده‌لیڤێن كاری د بچویكن, ژبه‌ركو ئه‌م دزانین هزر و كارێن مه‌زن ب تنێ بۆ هنده‌ك كه‌سانه‌، ئه‌م دزانین هه‌می كه‌سێن دناڤ جڤاكیدا ماف نینه‌ به‌هر تێ هه‌بیت.

ئه‌گه‌ر به‌ری نوكه‌ بده‌ست ڤه‌ئینانا كاری ل گۆره‌ی باوه‌رنامێ بیت، نوكه‌ یا هاتیه‌ گۆهرین. بۆ نموونه‌ دێ ته‌ پتر شانس هه‌بیت كاره‌كی بدهس‌ت خۆڤه‌ بینی ئه‌گه‌ر: ١- ته‌ واسته‌ك هه‌بیت، ‎٢- خودان كار مرۆڤێ ته‌ بیت و ٣- ته‌ خۆ مه‌شهور كربیت د تۆرێن كۆمه‌لایه‌تی دا. ‎ل دویف هزرا من خالا ژماره‌ (٣) د نوكه‌ دا پتر ده‌ورێ خۆ دبینیت .‎دوماهیك خال ژی یا بوویه‌ باوه‌رنامه‌ و تۆ زمانا بزانی و هنده‌ك مواسەفاتێن دی یێن خه‌یالی ‎هه‌تا كو بۆ هه‌ر كاره‌كی مه‌ دڤێت بكه‌ین پالپشتیا مه‌ نائێته‌ كرن، یان ژی گه‌له‌كا ب زه‌حمه‌ته‌ تۆ هاریكاره‌كی ببینی.

به‌لێ هه‌ر وه‌كی من گووتی ئه‌گەر‌ خالا ژماره‌ (٣) ل ده‌ف ته‌ هه‌بیت، پالپشتی و ده‌لیڤێن كاری دێ بۆ ته‌ گه‌له‌ك بن. ل دوماهیكێ من دڤێت بێژم “هیڤییه‌ خه‌ونێن مه‌ نه‌كه‌نە دیوارێن ل سه‌ر به‌فرێ و نه‌هه‌رفینن” دا وه‌لاتێ مه ‌ژی خودان داهێنه‌ر و داهێنان بیت.

  • مامۆستا

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

One Thought to “خەونێن مە.. دیوارێن ل سه‌ر به‌فرێ”

  1. Hikmat Nomat

    ژمێژ وەرە خەونێن لسەر دیوارێ بەفرێنە، لێ نوکە هەوە چاڤێن خوەیێن ڤەکرین و هێدی هێدی لسەر تالاتیا راستەقینێ هلدبن.
    دبێژن ئەگەر رێبەر گەندەل بیت چارە یاهەی، لێ بەس ئەگەر مللەت گەندەل بیت وێ گاڤێ چارەاسەری نینە.

وەڵامێک بنووسە بۆ Hikmat Nomat هەڵوەشاندنەوەی وەڵام