سیاسەتا ئیكەتیا نیشتمانیا كوردستانێ ژ سیاسەتا ھۆز و خێلێن بەرێ دچیت

 

 

 

 

 

 

 

 

یاسر سامی- فەیدیێ*

ئیكەتیا نشتیمانیا كوردستانێ ئەو حزبا خۆ ب دیمواكرسیەتێ د دەتە نیاسیین، بەلێ د راستی دا ھیچ پیڤەرەكێ دیمواكرسیەتێ ب گوتن و كریارێن ڤێ حزبێ ڤە دیار نینە. بەلكو بەروڤاژی ڤێ چەندێ ب زمانێ ھەرەشە و ھێزا لەشكەری و خۆسەپاندن ل سەر واقعی كریارێ دكەت، كو ئەڤ كریارێن ھەنێ ژی بیرا مرۆڤی ژ سیاسەتا ھۆز و خێلێن بەرێ دئینیت و ھیچ رێزەكێ ژ دەنگ و ئیرادا گەلێ كوردستانێ ناگریت. تنێ بەرژەوەندیێن خۆ یێن كەسۆكی ل سەر حەز و ئیرادا گەلێ كوردستانێ دا دبینیت. ل ھەر وەلاتەكێ كو ھەلبژارتن لێ دھێتە كرن ل سەر بنەمایێ ھەلبژارتنان حكومەت دھێتە پێك ئینان. لێ یا سەیر ئەو د چەرخێ بیست و ئێكێ دا ئیكەتیا نشتمانیا كوردستانێ ھەلبژارتنان وەكو نڤێسانەك ل سەر كاغەزێ قەلەم ددەت و جھێ دەنگ و ئیردا مللەتی ھێز و ھندەك تشتێن بێ رامان دكەتە پیڤەر بوو پێكئینانا كابینا نەھێ یا حكومەتا ھەرێما كوردستانێ. ئەڤە ژلایەكی ڤە و ژلایێ دیڤە دووبەرەكی و ناكۆكیێن ناڤخۆییا ئێكەتیێ بوویە سەدەمێ پاشئێخستنا كابینا نەھێ یا حكومەتا ھەرێما كوردستانێ و ھەر رۆژ ل سەر بڕیارەكێ و رێزێ ل ھەلویست و گوتنێن خۆ ناگرن و پێگریێ ب رێكەڤتنا ٤ـی مەھا ئادارێ ئەوا دناڤبەرا پارتی و ئیكەتیێ ناكەن. زێدەباری فرۆشتنا نیڤا ئاخا كوردستانێ ژلایێ ئیكەتیا نشتمانیا كوردستانێ.

گومان تێدا نینە ئەڤ چەندا ھەنێ ژی ھەمی ژ دووبەرەكیا ناڤخۆییا دناڤا ئێكەتیێ دھێت، ژبەر ڤێ چەندێ ژی خەلكێ كوردستانێ ب گشتی دبیتە قوربانێن دووبەرەكیا ناڤا ئێكەتیێ دا. لەومانێ ژی دڤێت ژ نھو پاش گەلێ كوردستانێ ئەڤێ چەندا ھەنێ ژ ئیكەتیێ قەبیل نەكەت. چونكی ئیكەتی بوویە ئەگەرێ نەگەھشتا مافێن رەوایێن گەلێ كوردستانێ ب گشتی و مللەتێ كورد ب تایبەتی، پشتی كو ٣٠ ئەیلولا ٢٠١٨ ھەلبژارتنێن پەرلەمانێ كوردستانێ ھاتنە ئەنجام دان، خەلكێ كوردستانێ ئۆمێدەكا گەش ب حكومەتا داھاتی ھەبوو. بەلێ دنھا دا ژبەر ھەلویستێن نە شارستانی و دویر ژ ھەمی پرەنسیب و بھایێن دیمواكرسییەتێ یێن ئیكەتیا نیشتمانیا كوردستانێ، ھێدی ھێدی ئەو ئۆمێدا رون و گەشا كوردستانیان ھەی یا لاواز دبیت. چونكی ئەڤ جۆرە ھەلویستێن ھەنێ ھیچ رێزەكێ ژ دەنگ و ئیردا خەلكێ كوردستانێ ناگریت. د ھەمان دەمدا ژی سەرپێچیا پیرۆزیێن گەلێ كوردستانێ دكەت و ھەڕەشا دوو ئیدارەیێ دكەت كو ئەڤ چەندا ھەنێ د بەرژەوەندییا نەیارێن گەلێ كوردستانێ داییە و پێشێلكرنا پیرۆزیێن گەلێ كوردستانێ یە و ئەڤ جۆرە ھەلویست و كریارە خزمەتێ پێشكێشی ھیچ بیاڤ و خاستا خەلكی ناكەت. بەلكو دبیتە ھۆكارێ لاوازكرنا ئێكگرتن و رێكخستنا ناڤمالا كوردی ب تایبەتی و كوردستانێ ب گشتی.

خەلكێ كوردستانێ شایستەی ژیان و ژیارەكا خۆش و ھەژییە، نابیت بیتە قوربانێن لایەنەكێ سیاسی مینا ئیكەتیێ كو ئەڤێ جۆرە سیاسەتێ پەیرەو دكەت. دڤێت ئیكەتی ژ نھو پاش دەست ژ وان جۆرە ھەلویست و كریاران بەردەت و نەبیتە رێگر د خۆشگۆزەرانی و ئاڤەدانیا و ژیانەكا ھەژیتر بوو خەلكێ كوردستانێ د كابینەیا داھاتی یا حكومەتا ھەرێما كوردستانێ.

  • بەرپرسێ لیژنا ناوچا فەیدیێ یا ئیكەتیا قوتابیێن كوردستانێ

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment