بژار ياسين ره‌شاڤه‌يی- ئه‌مستردام
هه‌ر تشت كێشان و پيڤانه، ئاخفتنه‌ك هه‌يه د بێژيت راستی خاریيێ دبڕيت. وه‌رن دا ده‌ستێ خوه دانينه سه‌ر ويژدانا خوه، هه‌وه هه‌ر دوو لا، دانينه به‌ر قه‌پانێ كا هه‌ر كه‌س بایێ چه‌ندێ يه. ئێك ژ تايبه‌تمه‌ندييا كه‌سێ رۆژهه‌لاتی ئه‌وه دانپێدانێ ب شاشيتيێن خوه دا نائینيت، يێ به‌رده‌وامه ل سه‌ر وێ ئێكێ ئاڤڕه‌كێ ل پاش خوه ڤه‌ناده‌ت ل خوه بنێريت. ئه‌م بێن ل سه‌ر سياسه‌تا ئه‌نه‌كه‌سێ راوه‌ستين، بێ به‌رنامه‌يی و بێ سه‌روبه‌رييا وان شاهـدێ وێ ئێكێ يه كو سيارێ هـه‌سپێ خه‌لکێ ب بوون، هند كار بۆ وێ ئێكێ نه‌كريه هندی هيڤيێن خوه گرێدايی خه‌ون و خيالێن بێ بنه‌ما كرنه. هه‌ر ژ ده‌ستپێكا ڤێ پێڤاژويێ ئه‌م هنه‌كێ ل سه‌ر راوه‌ستن كا چ دبه‌ر گوهێن خه‌لكێ و رێ هـه‌ڤالێن خوه ئێخستييه. سه‌رده‌مه‌ك نوويه، ده‌ما چەکی ده‌رباس بوویه، كارێ (پ. ی. د)ه دكه ب پشته‌ڤانيا (پ. ك. ك) دخازن رۆژئاڤا تژی چه‌ك بكه‌ن، دا مه بكه‌نه ئارمانجا گروپێن تيرۆريستی. ئه‌ڤه ژی پيلانێت ئيرانێ نه، دا رۆژئاڤا پێ خراب ببيت. هه‌می هێكێن خوه كربوونه د سه‌لكا ئۆپۆزسيۆنا گرێدايی توركيێ و قه‌ته‌ر. مل ب وێ ئێكێ ڤه‌نابوون كا رۆژه‌كێ به‌ری رۆژه‌كێ ده‌ستهـه‌لاتا ئه‌سه‌د ژ ئورتێ هلينن، وی په‌زی گفێركه‌نه مه‌يدانێ دا جگه‌رێ پێشكێشی (بڕۆ و حه‌يم و عه‌ليكۆ) بكه‌ن.
گۆتنێن وان ئه‌وبوون توركيا نه ئه‌و توركيايه يا (پ. ي. د) و دار و ده‌سته‌كا خوه خه‌لكێ مه پێ ترسينن. ئه‌و يێ ئه‌جندايێن (پ. ك. ك) ب جهـ تينن. سياسه‌تا (پ. ی. د)ێ وه‌ك تشته‌ك ده‌مكی يه، رژێمێ دايه ده‌ست. ئه‌و ژی ب پشته‌فانييا ئيرانێ دا به‌ره‌يێ سونی پێ لاواز ب بيت، دووێ باوه‌رێ دابوون (پ. ی. د) يێ به‌روڤاژی سێرتا ئاڤێ مه‌له‌ڤانيێ دكه‌ت. به‌ره‌يێ توركيێ و قه‌ته‌ر و ئه‌و گۆروپێن پێرا سه‌ركه‌تنا وان يا مسۆگه‌ره. چ وڕجا (هـ. س. د)يه چاڤ به‌ردانه ئاخا سووريێ يا ئه‌ره‌بنشين، جيێن وه‌كی مونبج، تەبقا، ره‌ققا و دێره‌زۆر. ده‌مه‌كی گوتن ئه‌سه‌د چه‌كێ كيميايی يێ ب كار ئينای. كاوه عه‌زيزی دگوت گەلەك دوو حه‌فتيێن ماين و دێ رژيم ب دارو ده‌سته‌كا خوه و شه‌بيحێن خوه ڤه يێن وان ل رۆژئاڤا بنه‌جهـ كرين ژ ناڤ چن، توركيا دێ هێت كليلێن سووريايه‌كا ديموكرات و كۆنفيدراليه‌ك رۆژئاڤا ده‌ته ده‌ست كاوه عه‌زيزی. د گوتن كه‌س ( پ. ی. د) نا په‌ژرينيت گرێدايی (پ. ك. ك)يه د ليستا تيرۆرێ دانه چه‌ند مژويلی پلە و پۆستا بوون، ئه‌وقاس مژويلی كار و خه‌باته‌ك ژ هه‌ژی نه‌بوون. هه‌تا پۆستێ كار و بارێ دارايی ژ رێڤه‌به‌ريا ده‌رڤه و ئۆپۆزسيۆنێ بۆ ده‌ستنيشان كربوون هه‌تا حه‌فت مه‌ها ژی ژ به‌ر ناكۆكييێن وان ڤالا مابوو (پ. ی. د) چ دگوت ئه‌و نه‌خشه‌رێ هه‌می ئه‌و بوو يا ئۆجه‌لان بو ده‌ستنيشان كری. دڤێت هوون ريا سێيه‌مين هـه‌لبژێرن نه دگه‌ل وان ده‌وله‌تێن كو دخازن ستاتوكو پارێز بن، ژيێ خوه درێژتر بكه‌ن دێ ب هه‌می ره‌نگه‌كی به‌رخو‌ەدده‌ن، نه كوو.. هيڤيێن خوه گرێدايی وێ ئێكێ بكه‌ن يێن قالا ديموكراسيێ دكن. هاتنه كێشێن هه‌يی چاره‌سه‌ر بكەن، دڤێت هوون چه‌كدارێن خوه ل٣٠ هه‌زارا ده‌رباس كه‌ن. ئارتێشا ژنا ئهاڤاكه‌ن، وی ده‌می پارچا چه‌كی يا ره‌شاش كلاشينكۆف ڵ باشوورێ كوردستانێ چو بوو ١٥٠٠-٢٠٠٠ دۆلارا، هه‌تا گه‌هـشته هه‌مه‌را رۆژئاڤا دكڕين، مينا ئيسرائيل پشتی شه‌ڕێ جيهانی يێ دوويێ كا چاوا ئه‌و چه‌كێ ئه‌لمانی و ئيتالی يێ ل دووڤ خوه را هـێلای ل ئه‌فريقا، جوهيا ژ وان ئه‌ره‌با كرين ب ريا سينا ده‌رباسی ئيسرائيل كرن، وان ل شوينا نه‌ته‌و ده‌وله‌تا به‌ره‌ڤ ل ناڤچوونێ دچوو، كۆنفيدراليه‌تا رۆژهه‌لاتا ناڤین پێشنيار كرنه.
ئه‌و ب سه‌رێ خوه بابه‌ته‌كه دێ هێمه سه‌ر كو تێدا پراينييا گه‌لان هه‌ر كه‌س ب ناسناما خوه يا ئازاد تێدا بژيت. چه‌مكێ هاولاتيبوونێ، ئیکۆلۆژی و ناسناما ژنا ئازاد جهـ تێدا دگرن. مرۆڤێ خاندنه‌كا راست و دورست ژ بۆ ره‌وشا هه‌يی نه بيت دێ شه‌رێ مرۆڤی ئه‌و تڤه‌نگ بن، يێت ل تارياتيێ وه‌ردكه‌ن، يان يێت داوه‌تييا بن، بێی ئارمانجا خوه ده‌ستنيشان كربيت، ته‌ق، تۆم چ ئه‌ردا ناگرن، يا ره‌وشا رۆژئاڤا ب ئه‌ڤرۆ را گه‌هاندی ب ڤی ره‌نگی يه: ١– ئيرادا پوڵاين بوو يا كچ و كورێن وه‌لاتێ ئاگرو رۆژێ نيشانی جيهانێ داى. ٢– روويێ هه‌ری جان يێ ژنا كورد دايه خوياكرن. ٣– بنه‌مايێن وێ ديموكراسيا وان هه‌می گروپ و ئه‌تنيك و بير و باوه‌رێن جودا بخوەڤه ديتی. ٤– د بوارێ ستراتيجيدا به‌روڤاژيا ئه‌نه‌كه‌سێ، ئه‌و ده‌ڤه‌رێن ئه‌ره‌بنشين بوون يێن هێلای خه‌لك ئاڤره‌كێ ژ كوردا ڤه‌ده‌ن، هيچ جاره‌كێ دێركا حه‌مۆ، قامشلۆ، ئاموودە و كۆبانێ نابنه جهێ وێ ئێكێ كو ستراتيجيا خه‌لكه‌كی دگه‌ل كوردا ئێك بگرن. ٥– پڕه‌نسيپێن هه‌يی ب تايبه‌ت د بوارێ له‌شكه‌ريدا كو خه‌لكه‌ك باش ل سه‌رانسه‌ری جيهانێ ل خوه كۆم كرن. هه‌ر چه‌نده كه‌س ب خوه‌زييا ناگه‌هيته جووتێ كه‌زيا. ئه‌ڤ چه‌ند سالێن چوويی ل شوونا (ته‌ڤ ده‌م و هه‌سه‌دێ)، (ئه‌نه‌كه‌سه) با دا مه ديتبا كا دا كيژ دنيايێ خراب كه‌ت كيژانێ ئاڤا كه‌ت.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)