هەتا كەنگى دێ هەلكەفتێن كەڤن ساخكەين؟!

 

 

 

 

 

 

 

 

ئەڤین ئەحمەد- دهۆك

هەردەم ژیان تێتە خەملاندن ب كار، داهێنان و سەرهلدانێن نوى يێن جڤاكى، رەوشەنبيرى و نەتەوايەتى. لێ هندى ئەز دنێرم ل دەف مە زۆر هەلكەفت تێنە ساخكرن کو یێن بەريا هزاران سالانە و چ گرێدان ب نەتەوايەتى و كوردينیێڤە نينە. تنێ چيرۆكێن ئەفسانەیینە و خۆ پێ قانەع دکەین. لێ دراستیدا ئەو هەلکەفت یێن دوژمنێن كوردانە و ئەم ساخ دكەين و ب دەهۆڵ و زڕنا نوى دكەين. یا ژمنڤە دڤى چاخى دا ئەم پێتڤى شۆرەشەك مەزنين ژ هەر ئاليەكیڤە يان دێ ناسناما كوردينیێ ژ دەست دەين. دڤێت مێشكێ گەنجێ كورد بێتە ئاڤاكرن ژ هەمى ئاليەكیڤە يان دێ ژيان ب ڤی رەنگى ب داوى ئێت. مخابن هەر تشت بوويە دووبارە و رۆتين. مرۆڤی، زانینێ، رەوشەنبيریێ و سياسەتێ و هەتا هونەرى ژی بهایێ خوە ژ دەستدايە. ب باوەرییا من ژيانا ساخلەم و یا دروست ب ڤی شێوەی بەردەوام نابيت. دڤێت دووبارە تاکێ خۆ ئاڤا بكەين ب رەنگەکی کو بشێت هەبوونا خۆ ب سەلمینیت نەک تنێ وەکو ناڤ بمینیت. بلا رۆژێن مە نەبورن ب ساخكرنا تشتێن كەڤن کو مە بگومان بێخن، بلا چاڤلێكرن ب داوى بێت و مە كوردان هەبوونا خۆ هەبيت، بلا بەس بیت ئەم خۆ ب دیرۆکێ ڤە گرێدەین و بلا کار بۆ پاشەرۆژێ و نەوەیێ پشتی خۆ بکەین.

ئەگەر ئەم کویر و هویر بەرێ خۆ بدەینە جڤاکێ خۆ دێ بینین کو روخسارێ مرۆڤان ژی نەمايە وەكی بەرێ. ئەڤ مژویلیێن زێدە وەکرییە کو مرۆڤ ناسناما خۆ ژ دەست بدەن. ئەڤ سیستەمە، ئەڤ بێ كاری و ئەڤ رۆتینێ خاڤ و سست کچ و کورێن مە بەرەف پاشەرۆژەکا نەدیار و تاری دبەن. تەنانەت رەوش گەهشتییە وی ئاستی کو گەنجێ مە ژ ژیانا جڤاکی و خێزاندارى و هەڤژينیێ ژی دوير بکەڤیت و ژێ بترسیت!. ئەڤە ژی مەترسییەکا مەزنە ل سەر هەبوونا مە و ئەگەر ب ڤی شیوەی بەردەوام بیت واتە بداوی هاتنا ژیانێ یە. لەوما دڤێت هەمی ئالیەک داکۆکیێ ل سەر ئاڤاکرنا تاکی بکەن دا ژ ڤێ ئالۆزیێ رزگارببین.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

2 Thoughts to “هەتا كەنگى دێ هەلكەفتێن كەڤن ساخكەين؟!”

  1. Ahmed Bamerni

    Dest xosh 👏👏👏

  2. Muaid

    Dast xosh Avin Xan brasti babatake zor gringe hivia min awa ganjn ma mfayi le wagirin. Daxaza sarkaftine bota kim

وەڵامێک بنووسە بۆ Ahmed Bamerni هەڵوەشاندنەوەی وەڵام