هزرا نەتەوەیی و بەرژەوەندییا تایبەت دمیزانێ دا

 

 

 

 

 

 

 

 

جاسم سەبری- زاخۆ

پەروەردەکا سەقەت، دەستهەلاتەکا دز و گەندەل و سیستەمەکێ عەشایەری چجارا نەشێن هزرا نەتەوی دمێشکێ تاکەکەسێن گەلێ خوەدا بچینن. لەوا بۆ بدەستڤەئینانا بەرەبابەکێ تێگەهشتی و هوشیار و حەژێکەر بو ئەڤێ ئاخێ، ئەم پێتڤی ب کەد و قوربانیەکا زۆرین. هەرئێک ژ مە بەرپرسیارە ژ ئەڤێ پرسێ، گەلۆ چما ئەم نە تاکێن نەتەوەپەرستن ددەرحەقا ئەڤێ ئاخێ دا، گەلۆ چما تا نها مە نەشیایە بسەلمینن کو وەلات ژ کورسیک، حزب، عەشیر، بازرگانی و پلە و پۆستان پیرۆزترە. لەوا فەرە ژ نها و پێدا ب گیانەکێ نەتەوەی و دویر ژ ململانا حزبی، جۆری، رەنگی و ئۆلی … کار ژبۆی بهێزکرنا هەستێ نەتەوەی دجڤاکی دا بکەین.

ب ڤی جۆری کو ئەم هەمی مامۆستا بین دمالێن خوەدا، ل سەر جادێ بانگخواز، د ترۆمبێلێ دا پۆلیس، د پارکێ دا باخچەڤان، د جەنگێ دا سەرکردە، د قوتابخانێ دا رێڤەبەر دکاری دا خوە دا، دبازاری دا میزان، دئاریشێ دا پارێزەر، دهێرشێ دا بەرەڤان، دئازادیێ دا پەرژان بین و … هتد. هەتا ئەم بشێن بۆ ئەڤێ ئاخێ خوەدانێن دروست و وەفادار ب ئافرینن، ئەم هەمی ل ئاست خەمساری و بێ هەستیا خوە بەرپڕس و گونەهکارین ددەرحەقا نەتەوەیێ خوەدا. ئێدی بلا پلا هەرە بلند یا پیروزیا مە نەتەوەیێ مە بیت.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment