ئەی بەرزەییا بێ سەروشوین!
ما من جهـ مایە !
ئەزێ ل هەمی دەرا .. پرت پرت بوویم
هەر پرتەک ل پێژنەکا تە دگەریێت
یێ وەریام و دگەل بابەلیسکێت خەریبیا تە
بژالە بوویم
ئەی بایێ …. هەمی سپێدەهیا من ب مەستی ژخەوێ رادکەی!
ئەی شەڤا بێ ژڤانا هەر روژ من ئاڤا دکەی!
دێ گەنگی ؟
بیە هاتن و ڤەگەری
د ڤەگەرا خوەدا
پرتێت من ڤێکدەی ؟
،،،،،،،،،،،، ،،،،،،،،،
چ پائیزەک بێ ئەگەری
ل بیرا تەیە …. تو بوهارەک ئاخلێڤەبووی
ئەز ژی ژ بارانێ هێشتا تاڤی بوم
هێشتا …. ئەور د رەش و شین و ئاڤزبون
تە نەهێلا تێر ببارم و کەسک ببی
تە فێرکرمە خەونێت زەر و وەریای
وەرە….
سپی ببە و ببارە
کەسک ببە و تێر رەنگ و ژیان ببە
ببە هەمی و
ب تنێ نەبە چون
چنکی دەمێ توچوی ……
تژی دێمێ تە هاتن بوون
تژی پرچا تە بێهن و ژڤان بوون
هەڤدیتن و هەمبێز پری پاخلێت تەبوون!
مــەلــەڤـــانــــێ بــــــــارانی
21.10.2018
گووتار یاهاتیە خواندن: 1٬836
